[本地] [點止廣東歌一種] 香港流行音樂討論 (46)

好過上一隻歌嘅

唔難聽 但唔算好聽
One and all好過呢首

今年唔知做乜鳩 咁撚多聖誕歌

幾好啊
唔知有冇歌手農曆年會整返首孖寶668呢啲歌

漫漫長路有包萬寶路～

再整多首～
https://www.instagram.com/tysonyoshi/tv/CXxkn_GgkG-/?utm_medium=copy_link

有留意開歐美樂壇就會知
一到聖誕啲聖誕歌就會上返晒榜
所以好多歌手都會整啲聖誕歌/專輯
年年到時到候就會有人loop

香港啲歌手可能都係學外國啩
有我哋自己嘅聖誕歌都係好事嚟

Music panda
Kay x Jay Fung x Vicky Fung
https://www.instagram.com/tv/CXyEqOzhQs1/?utm_medium=copy_link

如果計埋勁浪漫同雪不完的浪漫
Gareth會有3首聖誕歌

聖誕情歌王子

啲英文好尷尬

【何韻詩1月2日舉行網上mini live：我做唔到實體騷，大家明啦】

#何韻詩 今日喺個人IG平台宣佈，將於2022年1月2日舉行網上直播音樂會。之前佢開過live chat，有歌迷問佢幾時開騷：「我幾時開騷？唔好玩啦！我都想。我就做唔到實體騷喇，大家明啦，總之就… 我一開騷就有好多麻煩嘢啦。」今年9月原一連六場在香港藝術中心舉行的演唱會，最後出現突變，藝術中心以基於場地租借合約條款22(c)為由，取消 #Hocc 在壽臣劇院的租場，令實體演唱會被迫取消，改為網上演唱。

Hocc話今次嘅 mini live ，同今年4月搞過嘅照相館mini live一樣，「會喺我個membership site有個mini concert咁，大家掛住我嘅聲音，可以加入我個membership site。」

對於好多人話好耐冇見佢出現，問Hocc會唔會唔喺香港呀？佢笑稱：「我就仲健在嘅，我之前斷捨離，將2/3間屋嘅嘢扔走咗，之前出post連獎都扔埋，引嚟啲藍絲大造文章，話我走佬，所以扔晒啲嘢。我心諗，如果我要走佬，咁我又會唔會po晒啲嘢出嚟呢？」Hocc補充，扔嘢完全只係斷捨離，冇其他原因，亦唔係變賣家當。
「間屋我住咗十年，囤積咗好多雜物，同埋好多塵，而家清空晒啲嘢，入廁所或廚房係會有迴音嘅，係好開心嘅。」Hocc建議大家不妨試下斷捨離，因為，個感覺係會好爽喎！

Hocc將入行多年嚟嘅獎項扔晒，唔少人都認為佢咁做好勁，放得低！

「之前我話全部扔晒，最後我留低咗兩個，因為扔晒個架好空，放兩個又幾好睇，所以我挑選咗兩個喺我里程碑裏面，有啲意思嘅留低，分別係2001年叱咤嘅新人金獎及2006年叱咤嘅女歌手金獎，一個就係提醒自己勿忘當初做新人嘅感覺……

其實都唱得幾難聽

「歌神」張學友最近為記錄歷時兩年三個月，合共舉辦過233場的《A CLASSIC TOUR學友‧經典》巡迴演唱會，推出台北站及香港站的精裝CD與DVD。他日前接受傳媒訪問時，除談及對巡唱破盡記錄的感受，也分享過去居家生活及對樂壇新人的寄語。

不曾為破紀錄感興奮

學友坦言這個巡唱是歌唱生涯中最滿意的演唱會，也不相信日後能再打破自己紀錄，但被問到是否為此感到興奮，學友直言沒有太大感覺：「我有一個習慣係要令自己唔好太過興奮，經過咗咁多年嘅訓練，當我好興奮、激動、情緒強烈嘅時候，自己係做唔到表演，例如我想喊會唱唔到，開心得滯會唔記得歌詞。當你覺得嗰個係紀錄而令自己好興奮，其實會忘晒形，有時聽到歡呼聲會唔記得後面仲要繼續唱，所以我慣常要練習，令自己有一個好穩定嘅狀態。」

學友形容這次巡唱是歌唱事業中一個很好的過程，又談起近年一直提醒自己要繼續追求進步：「好多人都話『張學友嘅黃金時期係90年代』，如果我停咗喺嗰度，呢個演唱會咪冇咗囉。係嘅，如果你哋問我有冇機會破記錄，我答你未必；但係你問我係咪會繼續做，我一定繼續做。我破唔到記錄，咁我唱好啲得唔得呢？老實講，你真係問我係咪會唱得好過兩年前，我可以好肯定咁同你講：係！因為我兩年前覺得自己唱唔到嘅歌，我依家都唱到啦。」

在家練歌竟被投訴？

近年學友不但參與電視台演出，更不時公開露面擔任演唱會嘉賓，他指疫情期間除了積極維持體態，也會在家中花1至2小時練歌，主要練習過去難度較高，自己過去未必敢在公開場合演繹的作品，藉此克服對這些歌曲的恐懼。相信作為「歌神」的鄰居，每日聽到他的歌聲會感到非常幸福，但學友卻指自己曾被投訴：「管理處啲人都問『個個人都想聽佢唱歌，點解你要投訴呀？』原來嗰個係印度人嚟呀，哎呀，證明我喺印度未夠實力，我會繼續努力！」

盼後輩具實力衝出香港

近年《全民造星》及《聲夢傳奇》兩大選秀節目，令樂壇新血再次湧現。學友喜見電視台及唱片公司願意栽培新人，令觀眾願意認識新晉歌手。他希望一眾後輩在公開亮相時做好充足準備：「準備得好啲就畀人話少啲，因為你面對嘅唔只係本地競爭，相信大部份新晉歌手都唔只睇本地市場，希望去到更大市場，例如大中華，甚至更遠，好似韓國嘅組合會攻佔埋美國市場。其實最基本嘅因素係要存在實力，唯一一點同以前唔同嘅係，我覺得我哋以前唔一定要準備好，因為嗰陣我哋仲有時間，可以五年之後企出嚟慢慢進步；但係依家已經冇呢個空間，一彈出嚟就要畀人感覺好勁，希望依家有多啲比賽舉辦嘅時候，同時間要加強培訓。」除了炎明熹（Gigi）外，學友也留意到身邊有許多人支持MIRROR，他也有恭喜ViuTV台長魯庭暉，希望12子繼續努力。

未計劃開線上騷

問到明年會否開演唱會與歌迷見面，學友坦言一直有計劃，但疫情成為最大變數：「未知可以幾時實現呢個計劃，因為現場表演始終都要睇疫情，如果嗰陣只係畀50%嘅觀眾入嚟，主辦已經計唔掂數。其實依家係有好多線上演出，但係我唔係好想像到嗰個表演模式係點樣，可能我比較落後啲，所以對我嚟講，表演平台暫時唔係好多，但係我有計劃緊。」

趙頌茹今日（22日）在尖沙咀出席活動，早前明顯圓潤的她經努力減磅後回復纖瘦身形，她透露計劃明年將小本製作，事隔20年後再推出新歌。她說：「事緣上完《Chill Club》唱番《大孩子》啲人嘅留言話細細個就聽我嘅歌，覺得好感動好，感動係佢哋嘅青春我有出現過，所以計劃明年出新歌。」

她指手新歌仍在籌備中，風格會配合現現時的流行音樂，問到20年後再出新歌可會緊張？她說：「為咗唔使咁緊張，依家都有去『補習』，搵咗老師學唱歌，相信再入錄音室感覺會好陌生，都係多得觀眾留言，令到我會再試一次。」

譚嘉儀今日（21/12）現身電視城出席無綫音樂節目《勁歌金曲》錄影。提到入行十年做歌手，終於傳來好消息，來年1月28日於旺角麥花臣場館舉行首個個人演唱會。嘉儀表示：「其實幾個月前已經開始籌備，但當聽到可以開到呢個演唱會嘅消息，我真係好感動，一練歌嘅時候已經好想喊，係因為想像自己喺個演唱會上，可以向支持我嘅朋友講多謝，自己真係會忍唔住喊。不今次呢個演唱會我真係足足等咗十年時間。雖然呢個演唱會只開一場，但相信啲飛應該好搶手。」

入行十年 都未知佢有咩代表作