但我只係一個學生哥，冇左咁大筆錢我真係想試下追返
事源報左個團去九寨溝，一直都相安無事
直到最後一日，去左間玉石店就中伏
一開始都係慣例服務員sell野，然後突然間有個老板級既人馬行入間房到又出返黎果陣，服務員突發叫佢分享幾句，點知就係出事開始。一開始佢先講到自己係信佛，話求左支好籤好開心，坐低左話大家相遇有緣，請大家欣賞佢以前既作品，又講左好多關於點分玉石真假，人生道理，包裝到自己好有文化同見慣世面咁。
然後，佢再會攞一啲貴價既玉出黎比大家睇，周邊啲服務員都會交足戲，問老板係咪真係要，扮到啲玉好似好貴同時都包裝佢個人好豪氣。
講完佢就開始，扮豪氣話大家開心就好，啲玉減價賣比大家，將標價既減一個零e.g.3000 變300。窮學生既我本來只係想買幾條鏈比屋企人，點知比錢個陣碌卡可能因為比佢知左我戶口仲有錢，就水左我入間房串繩（隔絕左我同其他人），個老板又入黎，話咩欣賞我咁孝順我買野比屋企人，就攞起個保險箱到攞左對所謂足金和田玉比我，話平賣比我。個陣唔知點解自己咁傻仔比成講多兩講真係信左左佢。仲叫我唔好同人講，叫我留個wechat ，佢識人可以介紹工作比我（個wechat 後來發覺係假，連名都係），就係咁我比人呃左五位數字。
事後返到香港諗諗下唔對路，發現佢間野連名都冇比我，上網一查發現好多人中過招，求各位巴絲解各下可以點做
識我既唔好相認，我真心想求救
冇諗過第一次跟團就出事
