從命理上講吓乜叫際遇差

loser 先算命
信都on9
我次次專登反其道而行咪又冇事

又有時間，又可以寫少少

咁我都未必會照直講落去，因為如果要將成個命理模型同大家 step by step 講，可能都會幾悶吓，成個思路確實係可用用一個大型 flow chart 表示

反而就睇返大家嘅留言，再睇吓有冇啲值得講嘅 topic

---

其實比較高階嘅算命，係可以用喺心理學甚至日常生活當中，講到算命、占卜𠵱類其實我哋可以叫運籌學，即係利用數理 / 某啲取象嘅方法取得宇宙某啲訊息，而𠵱啲嘅訊息可以係用嚟側面了解自己 / 其他人 / 事情。

咁講到咁玄，有啲咩可以玩吓？

一般算命我哋會用八字 / 斗數，而八字當中有十神就係代表外在同當時人嘅關係，咁實際上其實可以簡單分成五種：

我剋者為財星

剋我者為官星

生我者為印星

同我者為比劫（比肩、劫財）

我生者為食傷（食神、傷官）




咁如果講八字最簡單嘅「格局」係咩？其實就離唔開𠵱十神，唔需要搞得太複雜，而「格局」咪即係「天性」囉


咁喺度先提出一個簡單疑問句：「你點睇算命？」

𠵱十神性格嘅人嘅回覆係可以好唔同，由正面、負面到偏激都有，大家可以諗吓點回答𠵱條問題，其實亦都間接反映咗你嘅「格局」。

正所謂有陰亦有陽、有正亦有偏，可能就係一個咁簡單嘅問題，每種十神傾向嘅人都有唔同反應。咁舉晒十神嘅特性就實在太嘥時間，我哋都係講幾個特別啲嘅 case

咁就用返 #68 嘅反應先

loser 先算命
信都on9
我次次專登反其道而行咪又冇事

如果識 NLP 嘅 Milton Model 都會知，#68 嘅 邏輯係存在模糊語言，即係絕對唔係理性嘅「財星」人會講嘅說話啦（已經可以排除 #68 係財星性格嘅人）

咁 #68 嘅說話又有咩模糊先？

要知道人類嘅說話唔一定係邏輯正確，有時大腦會刻意咁講一啲說話去自我催眠 / 催眠其他人，令其他人無意接收咗扭曲嘅訊息從而接納對方嘅觀點。

咁比較主要嘅模糊語言可以分為三大類

1. 省略 Deletion

2. 扭曲 Distortion

3. 一般化 Generalization

咁我哋逐句嚟分析吓，#68 係個幾好嘅例子A. loser 先算命
B. 信都on9
C. 我次次專登反其道而行咪又冇事

如果要拆解𠵱啲催眠模糊語句，其實不幾問問題 (meta model) 就 ok

A 句係用咗 Generalization，即係 #68 假定咗所有 loser 都算命，然後大鳩你，背後目的就係想話邊個算命嘅都係 loser，所以大家支持我唔好去算命。

咁要拆解就可以咁問：
係咪𠵱個世界上冇一個 winner 會去算命？你又點介定 loser 同 winner 先？

去到 B 句其實又係用 Generalization，又係反問返佢
係咪𠵱個世界上冇唔戇鳩嘅人會信命理？你又點介定點先叫戇鳩先？如果李嘉誠都信命理，咁李嘉誠算唔算戇鳩？

去到 C 句其實主要又係用 Generalization，又係反問返佢：
係咪每一次掉返轉做都冇事？有冇一次係奶咗嘢？同埋你點定義冇事先？

不過其實今日就唔係教大家點做辯論，反而𠵱類人你愈反駁反而令唔到佢收皮，因為喺八字理論上，𠵱類人就係叫「傷官格」

咁又唔好聽個名衰衰哋又覺得𠵱種性格嘅人乜都唔好喎，原來個名衰定唔衰只係古人嘅定義，但如果套用返現代社會可能吉凶參半。

我哋要諗返古人嘅價值觀同現代人係好唔同，以前啲人認為做官先最好，賺到錢就係次好，符合人倫同社會規範嘅先係好人，所以係有一定嘅偏見。

即係話正官、正印、正財、比肩、食神，就係古人所重視嘅正星，至於點樣分正定偏，𠵱度就唔講，有興趣自己 Google，廢事太複雜啦

總之忠忠正正直直、穩穩定定嘅和諧性格，古人就認為好，不過真係永遠係好？大家可以諗諗。

咁 #68 𠵱種性格，古人又點解叫佢「傷官」𠵱個咁難聽嘅名？「傷官」又有咩隱含意義？

續。