黃浩賢後援會主席
2021-12-13 20:26:13
副熱帶氣旋雖然有唔少能量來自斜壓,但將佢理解為「未完全轉化為溫帶氣旋既氣旋」係唔準確。
可以用鋒面開始入侵、正在轉化既熱帶氣旋為例,我地唔會因為咁就將佢形容為「副熱帶氣旋」,而係一直維持熱帶氣旋既分類,鋒面完全入侵之後就分類為溫帶氣旋。
即使熱帶氣旋喺轉化期間受到干擾(12年吹襲美國東北既Sandy係最極端例子),業務處理仍然係維持熱帶氣旋定性,直到鋒面完全入侵為止。
副熱帶氣旋最典型用法係一啲擺脫鋒面控制,但高空仍然同冷渦互動緊,或者一啲身處於高空槽內既小規模低壓。
以雷伊目前預測黎睇,副熱帶氣旋唔會係最適合既形容,而之前有人轉貼話「地面冷空氣入侵導致變成副熱帶氣旋」更加係唔成立。