幼教hd畢業後，要讀翻個幼教degree定轉行好？

讀hd之前真係好大熱誠想做幼師，但畢業後反而唔係好想覺得同想像中好大差別。依家係playgroup做，但我都知如果要係幼教呢行發展同想人工過20k，唯有快啲讀翻個degree，去幼稚園做
不過望到有啲巴絲話讀完出到黎都乞食，本身呢行就飽和，出生率又越黎越低，去讀degree就等於浪費時間
問好多朋友意見，勸我讀degree同轉行都有依家真係勁迷茫一時去網上報名，一時又覺得無謂讀呢科，失眠左兩晚
人生最痛苦同最失敗，就係我呢種20歲都未搵到人生目標嘅人望到身邊嘅朋友對自己未來好有規劃，就覺得自己真係好廢，究竟點樣做到生活左20年都係對人生無咩興趣目標

求指教，鬧醒我都得

讀完大學再算，依家先20 讀完早多味25。大把時間你轉。

degree要有 不過轉到其他就其他啦

幼教飽和得好犀利下

過咗今轉教師移民潮, 教書仲搵到工咩

又啱嘅

俾你講到我好驚添

可唔可以講下點同想像中唔同？

本身我係因為鍾意同小朋友相處先入行，好傻以為做幼師係好輕鬆咁同小朋友相處，一邊玩遊戲一邊教書。但係實習之後，發現幼稚園進度好趕，係無可能可以輕鬆咁同小朋友相處。又要有附加技能，畫畫叻，識彈鋼琴，識做好多手工，依家就黎聖誕節，我估幼師每日送走小朋友後就開始做聖誕裝飾但係聖誕節過左後，幼稚園無位擺就要將啲裝飾送去堆填區呢種情況每隔幾個月學校換教學主題或者遇到重要節日就重複一次
果度嘅老師都勸我諗清楚先好入行，望到有個好後生，大我四五年嘅老師已經因為成日彎腰同小朋友溝通，腰骨有問題要去睇中醫仲要每個老師本身就聲沙佢地成日係我面前抱怨咁夜收工，翻到屋企仲要趕教案，頭都痛埋。因為我係實習小薯，佢地都會直接係我面前講第二個老師嘅是非，好似小圈子問題好嚴重咁。

讀之前冇睇連登？
手作，教案，裝飾 不嬲都係要做
其他admin野一樣要做
大把人share過啦

生活左30年都無目標

打緊份牛工養家

Btw 你轉行 有咩方向？

degree係要讀 但諗清楚方向先好讀

依d算少野 對家長先煩
唔好彩有埋閪上司 仲難崖

份份工做落都會同想像唔同，有degree讀就讀咗先

無點樣留心睇過所以依家瀨曬嘢終於明白點解咁多巴絲講入幼教悔終身

好似望到未來嘅我果份咩工做落有咩感受

就係無人生目標，所以依家個腦一片空白，真係食得屎

我朋友個師姐都係做左幾年就辭職





而我未讀degree就已經唔想做幼師

諗起之前實習嘅時候，個主任唔知同隔黎班個老師講左啲咩入到班房就一邊喊一邊同第二個老師呻，嚇到小薯嘅我望都唔敢望

思考下 睇多啲野 ， 想像下自己到底想要d咩。


例如：你係想幫人又賺到錢 ， 考慮下做NGO, 社工。 保險都得架