我相信大家常念「時代革命」呢四個字，大家亦知道光時旗用上香港街頭招牌盛行嘅北魏書法字體。
只不過時代變遷令呢種街頭字體日漸消逝，所以有不同嘅有心人收集並保育呢種香港街頭字體，藝術家陳敬倫(K Sir ，即前元朗區議員)就係其中一個！
今年年中辭職之後，佢專心還原修復街頭招牌之外，更有心將字體數碼化，依家推出名為「爆北魏體」眾籌，基本目標28萬！！
「爆北魏體」設計過程係參照街頭風格相似，但來自不同書法家作品。為了統一風格及粗度，陳敬倫決定重新將每一筆隱藏筆劃都畫出來方便組合。
亦為咗製造字體韻味和質感，所以適當地保留毛筆痕跡，也把太過澎湃誇張嘅筆劃稍為收斂，以便放置於字框中，令所有字睇起統一自然。
而最重要嘅係，每一隻字都考慮將來方便電腦割字或製作金屬字，所以盡力將99%字筆劃造到一體成形，避免日後出現甩字、錯位或反轉嘅尷尬場面出現！
【爆北魏體】寫法及風格獨有嘅九個特徵：
關於北魏楷書嘅歷史背景大家可以從網上找到，所以陳敬倫希望集中分享一下設計過程中嘅領悟，究竟佢嘅美學霸氣係如何定型出來又與眾不同，以下是其寫法及風格獨有嘅九個特徵，亦是陳敬倫在落筆設計過程中想要呈現的繪畫方向！
保育文字是陳敬倫嘅初衷，所以設計師輸入嘅字符選項會用當年舊體寫法，希望可以讓傳承延續⋯⋯但同時為了現今社會需要亦會設計現代寫法作為第二選項，所以變相其實額外要修改多大約2000個中文字。
延伸目標嘅開鎖進程
目前進度已復修及繁殖嘅爆北魏字體已超過1800字。如果得到大家撐爆捧場K Sir願意爆發小宇宙製作以下加碼項目：
爆鎖目標100% 約450名贊助人
集資達標即展開完成8,000＋含香港常用字、廣東話字、注音及標點符號、數字及花碼字與歐文。
預計完成日期：2022年9月30日
延伸目標300% 約1,250名贊助人
爆北魏體加碼字型正體字10,000+字，亦包括當年特色異體字、台羅拼音、台客語漢字。
預計完成日期：2022年11月30日
延伸目標500% 約2,000名贊助人
爆北魏體字典藏字正體字12,000+字，內裡包括委託日籍設計顧問完成日文假名及漢字 。
預計完成日期：2023年1月31日
延伸目標700% 約2,800名贊助人
爆發極限製作爆粗版超霸氣字型，包括實用粗體字8,000+字。一個價錢兩款勁爆字型珍藏使用！
預計完成日期：2023年6月30日
藝術目標900% 約3,600名贊助人
成立個人工作室，舉辦爆北魏體當代字體藝術展，屆時誠邀友好字體設計師創意參與。
預計完成日期：2024年3月31日
終極超爆目標1000% 約4,000名贊助人
驚喜神秘彩蛋1+2+3超筍設計組合回饋所有支持者！這是爆北魏體字型鐵畫銀鉤的鐵三角組合！
預計完成日期：待定
