租工廈工作室有咩要注意？

Freelance想租黎靜靜地做野
搵緊業主盤因為慳返佣金
上網睇左啲資料 話份租約要打厘印
仲有無咩要注意？

係咪最好問清楚晒啲野先睇樓
例如包咩雜費 維修等問題

工廈點靜靜地做野

Co office正啲。除非想約朋友打牌打機 Netflix and chill

有朋友起觀塘租左間寫字樓
新起既商廈一層間左有十間500尺左右既寫字樓黎
隔離啲人租黎做寫字樓之外有時會叫班FD上去唱K
點知前幾個禮拜夜晚11點幾果陣成班狗上黎逐個派599G

office 都唔得?

盡量租有窗既單位 有自然通風同採光會舒服好多

夜晚去上下層單位
睇下有冇band房 party room 同有冇人住
聽下嘈唔嘈 啲人雜唔雜

留意下同層有冇食品公司 夏天時佢地拎垃圾會好臭

留意下共用廁所衛生情況同問業主係咪每日有人清潔

留意下共用wifi speed 同 夜晚多人時會唔會斷線或者好慢

問電費點計 係咪獨立電錶 同起租果日要mark電錶度數

係工廈問下啲人 電梯同廁所水會唔會成日停同要整

另外 可以諗下啲co work space 計埋水電可能仲平過自己租工廈 除左冇左私人空間外

留意洗手間，感覺你應該都唔想咁貴，咁就基本上都係劏出黎。有分獨廁，公廁，公廁獨立廁格

屌呢排想搬大少少 點知而家間間都有樣學樣一個大單位間到全部都勁撚細間

想搵間大間少少既都冇