想問下大家流行鋼琴譜通常去開邊度買

係咪魚蛋村個啲？不過有啲貴

自己聽番出嚟

睇你想要邊到地方嘅流行曲
同埋你想一首一首咁買，定係唔介意一大本咁買

如果係香港流行曲
可以去香港流行鋼琴協會望下
有得一首一首咁download，同埋有preview
你可望下你鐘唔鐘意果個version先再download
要比80蚊一個月

如果係想要日本/韓國嘅琴譜
可以去尖沙咀通利琴行
果到入啲琴譜都幾新
當然如果你等得嘅話，可以直接去amazon買
Amazon會仲多選擇
不過壞處就係通常都無得一首一首咁買
一買就要一大本好多首歌
同埋價錢都唔平

如果想要免費譜嘅話
可能要花多啲時間search了
以前會有多啲人share自己編嘅譜
而家好似都比較少了
同埋免費譜編出黎果種感覺你可能未必鐘意

所以我建議遇到鐘意嘅編曲都不妨買一首支持下原作者

數字譜應該好多source 搵翻個chord 自己再執

圖書館有國粵語流行歌曲琴譜，你可以去睇下，鍾意就拎去影印

點解影印？都係方便彈啫，就算我有本書都會印出嚟睇。

試試下就彈到melody，但chord就考功力啦