👉🏻 Alkaline Water 9.0 (屈臣氏集團) 👈🏻
https://www.facebook.com/WatsonsWater
https://pili.app/pg/12X2QKnt3
https://www.thestandnews.com/健康/又係東張西望-酸鹼食物之謎-食鹼更健康
▌最近屈臣氏隻Alkaline Water 9.0（鹼性水9.0）終於返咗TVB賣廣告，佢喺2019年贊助《東張西望》嗰陣，已經激到《立場》科學版編輯出文狠批「偽科學」，跟住落嚟我哋會綜合幾篇報導講吓鹼性水。
▌懶人包：除非你有胃酸過多問題，如果唔係飲鹼性水無用。香港食水偏向鹼性(pH值8.2-8.8)，唔使特別買鹼性水。
▌屈臣氏聲稱呢款產品有三樣特點，中和酸性、幫助身體輕鬆排毒、含天然礦物質。「中和酸性」呢個字其實講得好曖昧，係要中和邊度嘅酸性？需知人體各個部位都有唔同嘅pH值，胃酸為1，皮遍為5.5，尿為6.0-6.5，血液為7.35-7.45，細胞質為7.2[1]，再者，無論係飲偏酸定偏鹼嘅水，進入身體之後都會被自行調節[2][3]。咁如果有胃酸過多問題，飲鹼性水會唔會好啲？的確有機會紓緩胃部不適，但如果你個胃無事就唔需要飲，而且香港食水本身加入咗熟石灰，「自帶」鹼性（pH值8.2-8.8），所以都唔使特別買咩「鹼性水9.0」。
▌第二項特點係幫助身體輕鬆排毒，咁點排毒法呢？我喺《晴報》一篇鱔稿搵到答案，「水除了能將水溶性的代謝廢物通過尿液排出體外...」、「大家應養成常飲水的習慣，上班一族需要時亦可隨身帶備鹼性水，可以每日一支，以便出門後飲用，有助輕鬆排毒」。原來所謂幫助排毒，即係叫大家飲多啲水，咁點解我要咁貴買鹼水性？傻的嗎。
▌第三樣特點係含天然礦物質，OK咁我飲普通礦泉水就得喇。簡而言之，吹捧鹼性水純屬營銷手法，消費者如有健康問題，不宜盲信廣告，應向家庭醫生查詢。
