他樂見香港樂壇有這改變，「之前個社會氣氛太低落喇，又好大壓力，我覺得有啲嘢令你開心係好嘅，好似 MIRROR 咁，對好多人好重要，令佢哋有啲嘢可以盼望，有樣嘢 look forward to。」同時，這樣的氛圍也為他這樣的年輕音樂人創造成長的土壤，「而家（加入樂壇）係食到個勢，好多唔同界別嘅人企出嚟，做自己想做嘅嘢，inspire 到我會繼續想做、繼續進步。」
「慢慢返咗嚟一陣之後，我又真係唔太想返去（美國）喎。」
「希望人哋會寧願聽中文都唔聽英文」
決定留下來後，本來獨立發展的 Gareth，機緣巧合認識了 rapper「大匙羹」，亦即華納香港 hip hip＋R&B 部門主理人 Nicholas，雙方對音樂影像創作等方面的想法都很相近，在確認簽約唱片公司不影響創作自由的前提下，Gareth 年初加盟華納，成為主流唱片公司中，一個做非主流音樂的新人歌手。
獨立音樂人簽入大公司，在 Gareth 而言只是有人支援行政，也因而獲得更多資源，例如拍 MV，兩者並不矛盾，「定（主流、非主流）呢個界線已經係個問題，外國嘅音樂入面係無呢個界線，我可以喺主流嘅 major lable，做非主流嘅音樂，都係做得好紅，香港偏偏有呢個諗法。我無諗過要模糊呢個界線，或者要做黐埋呢兩個 theme 嘅人，但偏偏就係入咗一個主流音樂圈，鐘意做非主流嘅音樂。」
「我覺得無咗呢個界線，係最終嘅目標。」
在可見將來，Gareth 或會繼續留在香港，日前剛出了首支廣東話單曲〈勁浪漫 超溫馨〉，由黃偉文填詞，對方更盛讚，Gareth 是繼謝安琪後，第二個他主動提出想為之寫詞的人。歌曲主題正是 Gareth 曾視為「老土」的男女關係。他說，就是想嘗試在平常主題中變化出自己的特色，也是用自己的才能，為廣東話加入更多元素，推動廣東話多一點點，「希望呢首歌廣東話版型過英文版，人哋會寧願聽中文都唔聽英文，呢個就係我嘅目標。」
香港樂壇正在進入破舊立新的朝代，姜濤 4 月時在 Chill Club 頒獎禮獲獎時說過，「我哋呢班後生仔，或者香港歌手，一定可以再次變成亞洲第一。」這句話一直縈繞在 Gareth 心裡，也使他暗暗想向這目標前進，透過與主流歌手的合作，把更多音樂風格、類型宣揚開去，然後吸引更多人加入創作，例如帶雷鬼風的〈Master Class〉，「（細路仔）聽嘅嘢會因為呢啲歌而多元化咗，希望過多幾年，有人因為聽完一首歌覺得 interesting，去做唔同類型嘅音樂，返番去音樂圈入面，成為一個 cycle。」
