是咁的，屋企d 灰水甩到我忍唔到。試過訓醒塊面有灰跌左落黎......
但作為一個唔合格既連登仔，0父幹，讀完u 又爭落十幾萬。又邊有錢請人整。唯有自己diy.
我遇到以下兩個問題
1. 因為間屋已經好多年，上手又無起左乳膠漆就直接批灰再上多層乳膠漆上去。 當我掃完化白水之後鏟落去，根本完全鏟唔起。
頭先靈機一觸，想問下如果用電磨機磨走佢，其實得唔得？google 過無人咁樣做過。想問下識裝修既巴絲意見。
2. 鏟鏟下，原來有d 位甩埋石屎。 好似d 濕完水再乾番既細皮咁，用手都"了"到出黎。 天花近窗位仲見到有黑媽媽既鐵。不過唔肯定係唔係鋼筋。
想問， 石屎脹起左，有到又裂左一塊出黎，係唔係一定係因為入水？ 有個位係大廈外牆黎。係咪大廈外牆有位比d 水入到黎？
google 過，要處理佢。要扑走左鬆左既石屎，再用紅丹油一油。然後就補番d 黑英泥加沙漿上去封番住。 但又有人話主力牆既鋼筋唔可以上任何既油。 想問下巴打，正確做法應該係點？
3. 其中一幅牆我打算鋪白色果d 文化石。 因為唔洗好似批灰咁，批到平一平。好似慳水慳力d.
想問，係咪一定要完全鏟起晒d 灰水，見到石屎先可以落膠沙痴d 磚上牆？ 如果唔起左本身果層好q 難起既乳膠漆，直接上膠沙又得唔得？ 係五金鋪有個買緊料既師傅好好人咁教我鏟起左d灰，用牛奶水封底，之後先上膠沙。但佢無講係咪要完全起晒d 灰。 定還是起左d 鬆既灰就得。
多謝定咁多位裝修巴打先
