有冇70後手足講下當年咸校長有幾勁

原來咁撚勁 老實講臨老呢個款真係撐唔落 講唔講政治都係

梅艷芳 張國榮 譚詠麟
三巨頭之一喎

仲有佢八九年打風嗰陣，去皇后大道東新記對出條行人隧道，同香港絕食學生唱傲骨…

當年係幾感動嘅，不過原來佢就係最冇骨氣嗰個…

後悔當年支持佢多過哥哥…

仲有陳百強
應該係三王一后

老鬼回應下，當年日本歌遙風襲港，偏重台風既風氣令一班己往只知一椂木係台上唱歌手失勢，就好似陳百強咁，而譚伯就食住呢個風氣乘勢而起，當年佢隻“帽X戀”同哥哥隻Monica横掃樂壇。但隨著樂壇適應咗，大量後起之秀藉改編日本歌搶奪市場，比如張學友。譚伯紅咗幾年後就風光不再，往後更宣佈唔攞獎呢自保。

其實好多歌日本紅左 買返來改

點解日本人見到個香港矮仔翻唱日本歌，反而會鍾意聽？？

我啱啱都搵過下資料
佢宣佈唔拎獎其實個爭議都幾大
有冇其他人講下

佢當年既歌而家聽都係好聽既
幻影 霧之戀 愛在深秋 愛的根源

唉 一定食唔少女 幸福賓周

當年痰伯迷同哥哥迷係互屌

皺皮倫 vs 基佬榮

嗰陣寶記真係靠倫伯賺太多太多錢，佢最巔峰嗰陣一個人養起成間寶記咁滯，畫子(關維麒)，葉廣權，鄭東漢(鄭中基老豆) 嗰班專揀啲最好嘅歌改，畀曬佢唱

一來佢hit嘅歌，啱啱早哥哥一兩年出…早期：雨絲情愁、忘不了你、小風波、遲來的春天，正式開始大hit嗰幾隻大碟係愛的根源、霧之戀、愛情陷阱，一兩年內橫掃香港樂壇，加上支那改革開放，好多廣東人都聽到佢嘅歌…

而且佢當時又有拍戲：小生怕怕、君子好逑、陰陽錯，埋咗當打嘅新藝城班，而佢嘅電影都係主打合家歡，一家大細去睇嘅，而哥哥嘅戲（畢業生、鼓手、緣份，以至比較敏感嘅烈火青春）都係主要針對年青觀眾，所以撚伯係有多啲中年嘅歌迷，而哥哥嘅歌迷大部份都係後生仔女，對於演唱會叫座力，哥哥早期可能低少少（要等幾年後哥哥啲fans開始進入社會先追返上嚟）…

仲有一樣嘢，係唱片公司，當年撚伯簽寶麗金，佢嘅唱片監製係關維倫（關楚耀老豆，泰迪羅賓細佬），佢哋同娛樂圈、樂壇、電台關係好好，而哥哥當年簽華星，係CCTVB自己嘅專用唱片公司（當時仲有梅姐、呂方以及一眾生銹），電視台關係當然無問題，不過去到派電台，手腕應該冇寶麗金咁識撈（當初許冠傑幾白金唱片都係寶麗金發行）…首歌喺電台播得多唔多，好自然咁影響唱片銷量，亦可以谷紅一個歌手…

以歌論歌，哥哥早期嘅（麗的亞視時期唔計）風繼續吹、一片痴，仲有「老洞」嗰首主題曲（唔記得名喇），絕對有能力可以跑出，不過當時情歌、慢歌個market俾撚伯食咗一半，要等到哥哥用Monica 以跳唱路線跑出，先再慢慢hit返佢嘅其他慢歌：為妳鍾情、我願意、當年情…

其實溫拿都已經開始食正曬條水，歌影視齊曬

陳百強稍弱，佢嘅聽眾羣同哥哥重疊咗，哥哥紅咗，佢有啲此消彼長…

如果要三王，可能林子祥會似啲，佢嘅形象比較另類（近西方唔近日系，較多樣性）…

當年上到紅白 香港歌手 冇幾多個

鄧麗君 張國榮都好似上過

不過當年啲歌好多都係翻唱日本歌

張國榮沒有上過紅白，Leslie在韓國影響力較大（主要是電影方面）。

長知識

我70後，譚伯80年代真係勁，個時好多同學模仿佢髮型同佢造型，只可以話佢之前日子太順，人一生總有食屎時候只係佢儲埋係呢十幾年。

仲要成日考試 好有共鳴

而家唱唔返果種味道
定係冇人願意或者冇能力

讀中學時大部份女同學都係譚伯或哥哥fans.
中學時兩個EX都係迷譚伯