係外國，點樣學英文

係香港，好多人英文都已經有一定程度水準。不過如果你覺得自己移民去到外國唔掂，我可以交流吓我以前學英文嘅方法。

香港人睇同寫唔係大問題，通常聽同講比較難，而聽同講之間講會難過聽。

首先學英文要睇電視，睇好多電視，不過一定要睇英文節目。如果聽唔掂可以睇小朋友節目，再唔係睇toddler節目。再唔係就bb節目，一個出世唔識講嘢bb都睇得明你冇可能睇唔明。重要好似傻仔咁對住電視跟住佢講。好多時公仔箱入面D演員表情動作提示咗一半佢講乜，睇住咁聽得多好快會明。係咁煲電視睇到自己可以明佢講乜為此。

同人講多D英文，唔好怕羞。同新鄰居見到面除左hi重可以講吓天氣，講吓花草，驚嘅話一句起兩句只，唔驚嘅話可以講多D，你可以搵D當然地呀毛呀婆講，因為佢地係女人，又多數有時間，所以同你可以講好多嘢。最好唔好搵返唐人講（足星唔計），如果唔係唔小心學咗chinglish 都唔知，不過搵唔到都冇辦法。

Next level都係睇電視，不過睇新聞。新聞記者講野正宗好多，用字深D，而且快好多，一句嘢嘅內容重好多。如果掂，可以試吓聴收音機新聞，分別係冇樣睇冇咗body language。係Lee個level我以前會用綠音機綠低一段，聽完又聽，跟著學佢講，講到順咗就綠低自己把聲，比較吓佢原本把聲D分別，跟著睇吓點樣可以講到好似佢咁。唔洗講到好似佢咁快，但係盡量學佢D語掉，咬字，高低音，幾時慢幾時停等等。如果你可以明白新聞，聽自己把聲好似聽電台咁，恭喜你，你成功啦。

去到外國仲話自己學唔掂英文 真係要反思一下自己有冇真心融入去當地

到咗Lee 個level，你應該可以同外國人溝通冇問題。但係如果都覺得唔掂，或者你工作上要係好多人面前presentation, 或你冇信心講嘢，或係人面前冇膽發表自己意見，你可以試吓toast master. 一來可以提升自己自信。如果冇toast master或者similar 嘅group, 就試吓作遍嘢或者用你個presentation 同你老婆老公講同你女朋友男朋友講同你仔女講同貓狗講甚至同公仔同福牆講。（最好唔好叫你老婆同你女朋友兩個坐一齊聽你講）Lee d 已經係演講問題多過語言問題，就算本地人都未必有Lee d skill。不過我可以share 吓我D心得…如果你點學點改都重有香港口音，講嘢時就盡量慢D，停多D，speech 或presentation 時後通常會講得快過自己想要嘅速度，好多時會越講越快，所以要睇住自己保持慢速，講到殭屍咁慢都可以,反而人地可以多時間明白你d口音同講乜。如果講嘢可以練到有信心，solid, 堅肯，就算有口音，其它嘢都可以離保不足。其次，你都可以用多D Body language 担救。

最後，就算你上面全部做晒，你可能都覺得同唔到人全面講通。有可能唔再係語言方面，而係文化方面。外國D本地人不但有好多slang, 重有好多話題係關於佢地本地文化，潮流，新聞等。好似美國人會用好多棒球或美式足球slang, 或者加入政治或新聞笑話，加拿大會講hockey, 或者Newfie jokes等。所以，融入當地社會係好重要。

我Lee d全部係以前old school辧法，依家有internet 有utube，應該有好多新方法。有嘅話可以交流吓。

睇字就明 聽同講都唔掂

聽講讀寫點都廢
但比較的話，覺得聽講會易過讀寫（實際上都係聽講好過讀寫）

依啲情況應該點入手最高效率？學拼音？
想做到聽到個字會識串
或睇到新字會識讀

我黎外國差唔多10年
聽寫讀完全無問題 都無點特別花時間
但講呢樣野 仲係去唔到外國人嘅流暢
so sad

正常嘅 始終唔係native speaker

我以前一樣
唔係，我以前睇唔掂，聽同講更加唔掂

Lee 個我都唔知，以前香港學過一D拼音，不過如似冇乜大幫助。
我試過睇電視睇英文字幕，不過到咗大多數平常用字都熟，就好似自然學識。不過我新字拼音都係估吓估吓。所以拼音冇乜好意見

學讀可以由幼稚園picture book開始，睇小學D chapter book,好多雖然全字，但係D故事來來去去都差唔多。再深D可以睇teens chapter book. 不過去到嗰個level 係internet 好多野都可以讀。（Wikipedia, news site, fandom, IMDb movie summery, how it works, bloc, forums, etc)

我覺得製造英語環境好重要
之前喺南區鬼佬地區開工
偷聽鬼佬講嘢好過你上幾堂英文

考完dse一條友去澳洲旅行
學到既英文多過晒中學嗰6年

講既話總知用自己字講就得，唔洗突登學一大堆單詞，每一個地方既英文文化都唔同，明白就得。

因為你無學到點breakdown人哋既節奏

串字要靠phonics喇
我做嘢嗰陣都成日遇到啲未見過嘅technical terms
都係自己google下啲字 拼下讀音 先搵到個字係點

我做到流暢但有時越講越快
快到自己都唔知想講咩野
所以真心要提自己講慢少少

另外就係聽唔太明班後生仔講緊咩
佢地有自己的一套 slang

將自己嘅興趣用英文去享受係最好
其次就係工作環境

下年年頭就出發
唔止技術上既問題
自己係香港已經輕度毒撚格
過到去好想有改變

講冇問題，但成日聽唔明😥

相反，得聽掂

個個都有accent嘅話，你有accent 都冇問題啦
用#1最後嗰段嘅方法改accent 改好多。

講多D聽多D就得㗎喇。如果毒，可以#1 中間段咁，同D呀婆頃計。

我試過直接同陌生人講我D英文屎，所以想講多D。開頭好驚，問多幾次食多幾次檸檬就慣咗。不過好多人彩你一兩句就唔想再講。（可能我冇擦牙）