話說有個病人喺ICU轉咗出嚟，
第一朝見到佢啫，
屋企人中午打電話嚟，
劈頭第一句就問：
「我想搵XXX嘅負責醫生，佢喺ICU出嚟三十幾個鐘你哋係咪應該要同屋企人講吓情況呢？」
背景：個病人好醒目，五十幾歲，有咩都係醫生同佢直接交流。
醫院期望嘅係，無特別要求，醫生唔會每日睇完個病人都要向屋企人交待狀況囉。
咁好啦，屋企人打嚟，已經就快一點，
主診都去咗睇街症啦。
你話要搵醫生，佢又唔喺度，我咪叫佢「你可以留底電話，等醫生覆。」
「係咪咁先！我成朝早打咗嚟幾次，啱啱先駁得通，你依家要我留電話？！我地屋企人係咪無權知道佢啲病情先！三十幾個鐘囉喎！無一個電話打過嚟！你哋有無過份啲呀！」
「咁你話要搵醫生，佢唔喺度，我哋都係留電話」
「咁留電話！佢幾時會睇到呀？」
「最遲醫生第二日巡房見到你想搵佢，會聯絡你囉！」
「哈！即係要個病人離開咗ICU成四十幾個鐘屋企人先可以知道情況嘅！」
「其實病人後生，又清醒，醫生同佢講嘅嘢，佢都可以轉達畀你知。」
「你地病房經理呢！我係咪要依家親自上嚟搵你地經理先可以知佢病情！」
咁啱經理今日OFF SITE佢要去總部開會。
「經理係有嘅，不過佢今日去開會。」
「你貴姓？！」
「___」
「我話搵醫生你叫我留電話！我話搵經理你話佢開會！我係咪要搵醫管局總部先可以知我老豆狀況呢！」
「先生，其實由頭到尾我都無TURN DOWN過你。逐單講，你話你搵醫生，佢唔喺度，留電話，好正常。你話依家上嚟搵經理，我話比你知佢去開會，都係事實！」
「我有錄緊你音㗎！阿____生。原來依家屋企人想知病情，醫院係會耍我話留電話，又話開會嘅！」
「我歡迎你地嚟想知病情，但你地都唔可以有期待每個病人每個醫生睇完都有專人打返比每一個屋企人去話佢知狀況囉。」
「你等見報啦！」
跟住CUT鳩我線。
聽完個咁嘅濕鳩電話，我仲有七針未打，十四個症咪跟，仲有半個鐘頭就要交落下一更；
多多幾個呢啲屋企人，真係唔好問點解瑪嘉烈果單嘢啲藥咁耐都未打。
事後同返病人講聲，
個病人幾明白事理，
佢話：
「我已經剷咗我個仔。我呢就仲喺醫院住，你同佢無理取鬧，啲人黑心起上嚟乜都做得出。你去茶餐聽都唔會呼喝啲伙記。陣間佢吐啖口水，打個乞嚏落你兜飯度都係你受。何況喺醫院？啲叔叔嬸嬸要嚟幫你換尿片嘅，你閪佢幾句，佢同你抆屎抆到天一半地一半！都係你受。你同啲姑娘嘈。明明打針可以好GENTLE嘅，佢就一吓咪落去。明明有藥嘅就叫你等。都係你受。你同啲醫生嘈，佢同你開刀，手術枱切多啲切少啲開大啲窿鏠得樣衰啲，都係你受。醫院搞事，同你喺茶記係兩個層次呀」
呢個病人，我尊敬佢！
