你地點樣接受自己已經唔再細個依件事

遇怪魔我急於變大個

你要d成就做咩？所謂成就只不過係虛榮心作祟，你又唔係要改變歷史又唔係有天命逼切需要你完成成就，你去努力追趕一個目標只係為滿足自己貪欲，咁其實只會帶黎不必要既傷害俾你或其他人或事物。你要滿足自己既心靈需要並唔需要特別去完成某項虛無縹緲毫無意義既『成就』。

可能係而家個社會有一套既定既安穩路線比年輕人走 只要唔take risk乖乖地跟住屋企人/社會同你講個條路 唔使太認真 dse廿幾分 入三大bba second up畢業 入大公司做下做下就可以有一個美好人生(defined by social norm) 我自己屎忽痕唔想跟條美滿路線 dse 30分但之後次次都賭輸 仆街而家得不償失

除咗要接受唔再細個
你仲要接受你只係一個普通人

是以為不斷進步向前走就係好 但其實咁樣對自己傷害好大

我一D都唔懷念細個嘅自己 因為無咩好回憶
但好懷念以前無乜慾望 少少野就好開心
依家又要考慮買車 買屋 乜都要錢
但買左呢D野之後一D都唔開心 只係覺得負擔重左
變相多左好多咖鎖
唔可以無左份工
唔可以隨時隨地去旅行
無左話走就走嘅勇氣

細個聽老母/新聞講
邊個邊個20幾歲就點點點
心諗, 到我20幾歲, 我都得
原來唔撚係, 自己真係一碌廢柴

你會咁諗證明你就唔係碌向前嘅一群了

而家返工放飯
見到啲中學生
咁早放, 真係好
又嘻嘻哈哈,
得閑同女同學玩下

開始養家

係 物慾低 對生活要求唔高 個人容易開心好多
大個左社會比你既壓力 同埋潛移默化既價值觀另到好似成日都fulfill唔同人地要求 好難好開心
ching可能聽聽下腎仔首地下街就會有返啲冒險既勇氣

唔想阿Q精神勝利法

會有相同諗法 但最怕掛著緬懷過去忘記聽日又會緬懷今日 所以都係記住要把握當下時間

我認為好多人都有嘗試過努力但真係成功既只會係部份既人，
你會聽好多人同你講努力會得到回報，如果去認真思考呢句說話好明顯呢樣唔係全部事實，
世界上所有野都係趨向normal distribution，努力既人唔係少數，你會得出就算同等份既努力成功既人同失敗既人都係少數，大部分人只係過普通既生活，要問點解努力同回報唔係應該同等份努力既人可以人人分得到正比就係因為存在好多其他因素，而呢d其他因素都係趨向normal distribution，概括黎講係你唔夠運，所以要放低執著，你得唔到係因為唔屬於你，得到只係你比其他人有運。

是
我只不過係俗世中既一粒微塵 天咁大既煩惱 一個深呼吸 呼呼呼～ 就咩都無曬啦 (好似應該要係咁

你廿頭咁後生
其實仲有時間俾你珍惜下青春
我而家三十中
一事無成，人又無錢又無樓又無
廿幾歲嗰陣完全無珍惜過
而家勁後悔
嗰陣時應該趁後生出去見識多啲

放心，好快三十幾會更無力

可能甚至係Maxwell Boltzmann distribution:-大部分人連average到達唔到 包括我

細個有咩好?
自己無話事權
財政受限
活在家人控制當中

如果人愈大愈唔開心
咁其實人點解要生存？
好似每過一個階段都係難過的
咁一開始唔生存/童年過後就安樂死係咪仲爽

當一個人年青嘅時候
總會覺得自己好特別
將來會有一番成就
甚至改變世界
但大大吓就要接受
自己只係一個普通人

雖然好老套，去做你自己想做既野

我自己就想環遊世界，亦都計劃左

唔想番工番到4-50歲，到時只會更加唔敢做自己想做既野，因為到時又要為退休作打算