紫微斗數定盤迷思

小弟不才學藝未精

最近幫位巴打批紫微斗數，佢出生加拿大，但間中往返加拿大同香港，甚至想往後較長時間留港發展

我當然先用加拿大當地時間起盤，但發覺批盤出嚟有啲kick

究竟咁嘅情況應該用咩時間起盤用加拿大時間只係睇到佢身在加拿大嘅情況凡事考慮以加拿大做本位長居香港就唔適用

定還是根據加拿大時間計返嗰一刻香港幾點，去起盤講佢喺香港嘅情況

求集思廣益討論

LM

天地人盤對曬先考慮時辰問題

可唔可以講多少少

我都係聽啲朋友同師傅講
係中州斗數嘅世界，路唔止有一條，所以先分天地人
利申，聽返來，唔好屌鳩我

其實我都考慮到天時地利人和呢個問題，所以產生疑團～就基本起個盤都唔敢大膽批

係咪用緊真太陽時
我自己以前係冇諗過呢樣野
令個盤一直有啲位唔準
改返之後成個盤準返哂

我啱啱check過自己嘅真太陽時，都係相差8分鐘，對我嘅時辰定盤影響唔大

但我嘅問題重點唔係是否真太陽時

嘩～痴線，原來真太陽時可以差成廿幾分鐘

唔好俾個「數」字呃左

所有嘢都係觸機

你排錯，時辰錯，性別錯，你係準嘅就係準。

你意思係就算起錯盤都照解我試過，真係我幾好急才都兜唔到，我同對方講：你唔好再問，問十樣嘢冇一樣中，對唔到盤，就算我亂噏，點都有一兩樣中呱～你係咪俾錯時辰我～

過幾日佢真係同我講時辰錯咗

咁要睇你講嘅嘢有幾深入

講下性格，運氣傾向
講過去發生嘅嘢
定真係預測未來嘅事

前兩者其實冇乜用

我又唔認為冇乜用，正所謂因果，人生係有連貫性，如果成個盤都唔係你嘅，你再撳大限流年去睇，嗰啲嘢都唔係你嘅，連我自己都說服唔到自己啦如果將來真係咁隨機，咁不如唔好算命

我唔知八字係咪，但紫微斗數差一個時辰真係可以好唔同，就算所有主星同宮位一樣，裡面嘅四化、雜星都可以完全唔同，解釋已經可以唔同

加拿大咁大，你有冇用返佢出世嘅城市座標，再睇真太陽時？ 跟住用上一個時辰同下一個時辰對下先。

我啱啱可以起返正個盤，嘩，原來真太陽時可以差4個鐘

如果有個人支命係新疆烏魯木齊，另一個人係黑龍江出世，都話一齊8 點早上出世，東至西都差幾個時區啦。

呢啲真係自己計唔掂，靠上網計

文墨天機都應該起盤可以接出生地點出正確真太陽時。

ching

相傳紫微發源地係洛陽中州，所以星體運行應該按照果個時區而行，即係如果佢係外地出世，你睇返邊個時區，幫佢正負鐘數加減。

定盤上如果講唔中對方六親一ｄ特徵，或者命宮主星一ｄ都對唔上，就前後三個時辰開盤對一對，如果都係對唔上就無謂幫對方睇。

最簡單，武曲／貪狼入命，但個人高高瘦瘦無四兩肉，或者天機入命但個人肥矮，叫佢搵岩個時間日子先再黎啦。

講人嘅外表我真係唔敢講，亦冇深究，不過暫時睇個人特質問題不大，而家等緊推測將來事準唔準，希望有feedback

其實每粒星都有佢五行納音，定盤好有用

紫微斗數要研究落去，真係睇到好多嘢～你有冇自己睇住嚟炒coin

應用唔到