C AllStar - 留下來的人(12) 新歌《北極熊的遺言》~ 月底即將推出新碟~

https://www.instagram.com/p/CWdpg42Pf9s/?utm_medium=copy_link

睇咗好耐先get到你哋講緊咩凍檸茶

救命 越講越似

https://www.instagram.com/p/CWfieJ4J-uw/?utm_medium=copy_link

Osacr ig都有講過，用第一身寫詞，就係想帶出其實人人都可以係北極熊

不負責任嘅FF (同埋重申對杯凍檸茶嘅執著)：

呢個故事嘅主角，從小就喺呢杯凍檸茶嘅冰上面到生活、長大，
佢覺得呢個凍檸茶世界無論係冰、茶、檸檬，一切一切都好美好

但係隨著時間嘅流逝，杯凍檸茶嘅冰越溶越細，而且仲會有神秘生物/力量「畢」走啲冰，主角嘅生存空間就越縮越細，
佢有諗過搬去塊檸檬上面住，但係檸檬啲肉唔夠硬去承托主角同埋佢屋企嘅重量，加上會有神秘生物/力量用匙羹去篤塊檸檬，無理由日日都要驚住比隻匙羹篤爛、篤沉個屋企架，所以塊檸檬根本係不宜居，只好打消搬嘅念頭

而杯檸茶嘅茶，就比外界某神秘生物/力量，透過飲管一啖一啖咁吸走，

眼見自己生活嘅世界越嚟越變得不像樣，主角開始分別去收集檸檬肉、冰碎&茶，分析裏面嘅成分，並且諗唔同辦法，留住佢心目中嘅烏托邦：

1.去整幾杯微型凍檸茶出嚟，
然後趁個水位仲未太低嘅時候，整條梯爬出杯外，去搵另一個新世界，向嗰到嘅人講凍檸茶嘅美好，同時喺嗰到去搵有無材料可以再重現凍檸茶，甚至係重新整個凍檸茶世界

2.去搵方法阻止神秘生物/力量去用匙羹&飲管，攞翻對匙羹&飲管嘅控制權，令個神秘生物/力量唔會再破壞到呢個檸檬茶世界

3.去搵啲冰會溶、茶會被吸走嘅原因，然後再搵方法去阻止呢兩件事發生，甚至係搵方法去生產啲冰、茶出嚟，令到啲冰、茶消失曬之前，可以及時補充，令到呢個凍檸茶世界可以維持一貫嘅狀態




其實人類就好似個主角咁，好渺小地生活喺一個平平無奇嘅地方幾十年，對於歷史嚟講，幾十年就好似我哋飲凍檸茶咁，飲一陣就飲曬，一瞬而過

可能我哋面對住呢個世界嘅大變遷，實在係做唔到啲咩，但係至少仲可以將啲眼前嘅嘢記錄低，或者用自己微小嘅力量，減慢變壞嘅速度

好有深度
唔係講笑，你啲比喻好正 比，俾你講到我ff你係無睇錯，創作意念真係凍檸茶（仲有半個鐘就開估）
建議你向四子投稿

只係想堅持，呢個一定係凍檸茶，就算我睇錯，都prove到凍檸茶世界係可以夾到首歌個諗法

投稿就不了，呢大段文字實在太亂嚟啦

如果族長咁啱mon post mon到，就睇到啦