讀中學黎計寧願做band 1墊底定係band 3既高才生？

Band3寬頻仔

人大個 好多野都好難一概而論
呢間既我會答你自問有能力一定係band 1墊底
每一間野都有佢存在價值
如果係之前既我一定揀band 1
Band 1 成班都係勁人 讀書風氣良好 可以同勁人一齊讀書 互相進步 band 1墊底極都一定勁過 band 3高才生
但識到d band 1墊底既後先知 band 1學校猝數超級嚴重 只有拔尖 唔會補底 稍為band 2夾硬升band 1 如果跟唔到真係好痛苦 只能揀籮底橙做elective 如難到嘔既eng lit 考得差迫你drop 到4+1 一路讀一路捱 越讀越無自信 越讀越辛苦 越讀越跟唔到 對呢d學生既影響 從此討厭讀書真係大有人在 band 1 勁果d好勁 廢果d因為制度都會被打到好廢

Band 3 我讀過 成班都係漫無目的 hea下又一日 老師叫咩 就做咩 唔識用腦諗下轉下 乖係乖 都係為應酬老師 但讀書風氣都係無咁好 結伴奮鬥日日去自修生 真係難d既 band 3 學生遲開竅既 但勝在band 3老師 對所有人都真係有心教 願意補底同拔尖都做 同埋因為要遷就大部分學生既學習進度 教書又慢d 出卷又淺d 容易建立自信 學習動機好強 如果係小學band 1底失手入band 3 都應該唔會差得去邊

結論：都係睇本身既人點 本身既人能力高 緊係揀band 1 墊底 起碼有返機會變中間 避開制度上打壓 但能力低都係揀返band 3 起碼唔駛俾band 1制度玩殘你 搞到你憎左讀書

墊底其實唔易 入得名校都唔蠢到去邊 係啲人鳩hea鳩玩先會墊 仲有講成績好多人都好廢 唔開心嘅咪成班廢柴群埋取暖囉

你個名
個個都做到文武雙全咩

比我揀到既話 一定係揀band1
十零年前我就係所謂band3高材生
中一到中七年年考第一
都係冇乜校園生活 因為成班又吸毒又童黨又打架
除左返學會吹兩咀 基本上你都唔會同佢地行得太埋
另一班就係毒撚毒女但讀極書都係考得差

最後順利考完AL入大學
就發覺同人地個差距係好大
我地呢d band3仔 講兩句英文都甩咀 簡單覆下英文email都寫唔好
公開試只能靠術科拉高個分

人哋就算冇讀大學
一樣會不斷學習進修自己

Band 3有咩校園生活呀 都冇人會返學

Band3 高材生
我有得畢業就夠，因為我係Ive仔，係地底泥
事實上連ive高材生都做唔到
點解我會咁廢

冇錯 我係band1 墊底果群，
依家做緊Financial PR，
中同好多做醫生、律師、會計、社工、老師、AO、EO、
牙醫、物理治療師...
都係搵到錢既職業

男朋友讀band3，依家做緊admin，
佢既中同...返左大陸讀中醫master（仲讀緊）、餐廳侍應、跟車送貨、文員仔
覺得band出身，好少好似band1咁搏，
同埋唔會要求自己盡快爬上位

Band1中遊
識班fd都好啲

或者掉轉諗，你想做香港嘅有錢人定歐美嘅窮人？

香港同美國都算係band 1
而且實際上歐洲仲要睇邊個國家

佢就係好例子啦
會考4分, 淨係英文拎B, 其餘科目全部缺席/肥佬
喺傳統名校讀, 就算唔溫習, 都幫到你學好英文, 建立人脈
Band 3 考第1嗰啲, 可能入到 HKU, 但係英文好可能無佢咁好

其實真係有不過一大堆有錢既大陸移民
利申band3見過人住九龍塘獨立屋 唔係又一村果隻
仲有一堆住九龍站同加多利山

最重要係自信心

無自信，咩都唔敢開始做

讀band1包尾，都仲可以keep 到自信的話，的確係見識廣，氣氛好。但係都好可能被激烈的競爭磨滅自信，中學六年都包尾，潛意識已經認同自己無可能上到去。

反而讀band3 個個一路六年都贏，有自信 ，唔信自己做唔到。

最後band3 個個都好大機會失敗，但係佢起碼有機會成功，反而band1包尾個個成功機會係零，因為佢唔會去做，唔會去冒險，只會穩定地打份工過世

要做一定要做第一，無人記得第二，能力不及就市場細分，一定要分到做到第一為止。

所以如果你係band1 包尾，一定要揾到一啲野做到第一

呢啲看似兩難既題目 其實轉個方向就知道要點揀
將來當大家為人父母 如果小朋友band 1或者band 3學校都一定入到 咁會揀邊間做第一志願
揀既原因咪就=你真正既睇法