其實職業治療主要分三大科：physical、兒童、mental。大家上面討論嘅應該都只係physical，即係平時喺醫院見到幫中風或者其他肢體問題做治療嘅OT，因為除非你有好嚴重精神疾病嚴重影響生活，或者你有發展遲緩或者自閉症之類，否則都唔需要睇職業治療師
講返Physical，我覺得喺澳洲分工會比較細，例如做手嘅會專門有hand therapist，家居改造嘅有home modification specialised 嘅OT，但係喺香港就係全部野都俾晒OT一腳踢，之前有去過香港啲醫院OT department 到做volunteer，覺得香港啲OT都好攰要識同精通好多唔同嘅嘢，which 澳洲根本讀書嗰陣時都唔會學到咁深。台灣我就答你唔到，不過咁岩我做嘢嗰度有一個台灣同事，我覺得佢嘅知識量絕對唔會比香港嘅差，可能因為佢都做咗好多年。
順便回應返唔使OT朝九晚五呢個謬誤，可能HA嘅OT真係唔使，但起碼我啱啱畢業乜都唔識其實放工之後都要繼續上training 同research下有冇咩方法去幫病人，只係換咗係屋企Home office。尤其是澳洲返香港個落差都會大，始終兩邊嗰個模式唔同，好似讀完大學咩都冇學過。
有啲ADHD嘅小朋友60分鐘嘅治療根本都坐唔定，可能成堂就係要捉住佢或者諗方法點樣提升佢哋嘅專注力
所以同家長溝通討論治療手法係一個好大嘅挑戰，有時家長又唔明你點解要咁做又要解釋，所以上面有Ching 話內向係唔係做唔到OT，唔可以話係但係點都有啲影響
咁岩之前屋企有事，而家疫情又返唔到去
