查日腳疑惑

其實係咪唔同人去查, 只要係同一日, 都係同一個結論?
佢都係得幾頁, 幾十個結論咁

五鬼拍門

姐係點

我都有諗過呢個問題

所以好多日腳好人都好多人出殯同結婚

完全唔撚明

唔洗明嫁

其實係咪主要係燒嘢 —— 畀保護費靈界，等佢哋唔好搞你就得，幾時燒其實唔重要

查日腳其實係咪根據日子就ok? 咁咪全世界撞同一款?

查日腳係占卜術嚟，同奇門遁甲嗰啲用時間起盤嘅占卜術差唔多

當然，占卜術好重視「動」，正所謂「不動不占」

既然有動象（eg. 僮鬼）發生，咁相應嘅占卜術就會準

至於點解會準就冇人答到，因為玄學就係現今未能解釋同證明嘅科學假說

利申：修法的IT狗

借人Account回覆，

呢度嘅巴打好正👍👍👍👍

講明先呀，之前因為的而且確已知嘅有好多人係用呢個方法解決到一啲解釋唔到嘅問題，甚至我都係一個受惠者，
先至接觸到呢樣嘢，咁就想研究吓啦，或者叫做了解吓。

因為經過思考之下係抱有好大嘅疑惑，簡直就係一個問題寶寶，當年亦都問過好多人，甚至好多嘅師傅，得到嘅答案，覺得大部份都係自圓其說，
即係我唔信同唔收貨。

係一次傾計嘅裏面，有一個姨姨就回答咗我下邊嘅一番說話，我盡可能還原返出嚟，

搵得呢樣嘢，同用得呢樣嘢嘅人，都係佢當下好有需要先會做呢樣嘢，所以有冇效，對佢哋嚟講先至係最重要，至於邏輯夠唔夠緊密，或者能吾能有足夠嘅理論數據說服到，喺嗰一刻基本上已經唔重要，最重要嘅係大步檻過，而平安無事。

就好似你有解釋唔到嘅疾病，試晒所有嘅常規醫療，都冇法子起到作用嘅時候，到最後一刻只能夠選擇兩個治療方案俾你揀，
一個係超有醫學水平理論，邏輯緊密能夠解釋到佢做嘅每一個操作同埋原理嘅醫療方案。

一個係有無數實證的確係有效，而且亦有無數人唔係吹出嚟，真正可以得到改善嘅，但係冇辦法解釋到俾你聽原理嘅方法，仲要佢又平又簡單操作喎，
你會揀邊樣？

嗰一刻之後，我就冇再糾纏，咁佢講得啱嘅，老實講，搵得呢樣嘢，我都係想解決問題姐，至於佢嘅原理係點，係果一刻我真係得鬼閒理佢。

所以我會定義佢成，簡單又平又有用嘅嘢，遇到問題不妨試吓用下佢，但我又唔會將佢當成，主要嘅解決問題工具。

但如果係真係有一個好有邏輯， 又能夠解釋得好清楚嘅答案，我都好想知道，睇吓有冇得集思廣益🤔🤔🤔🤔

其實我一直都有懷疑呢套嘢牽涉咗一啲，意識念力既野，越多人用完靈驗之後，大家意識上，無形中，都將佢加強咗一次，一代一代嘅加持，同佢最原本嘅效力，已經有分別。
至於點解一開始咁靈驗，就可能真係古人有佢哋一個智慧同一啲能力，而創作咗呢套方法出嚟。至於最基礎嘅核心原理，就可能只有創作者先知道。
當然亦唔排除，係心理安慰，佢都係隨便創作出嚟，等你哋可以心安理得，點知又見效喎，跟住就一代傳一代。

中國嘅老土野，尤其係民間嘅，好多都有價值，因為佢哋唔會好似我哋啲人咁咁多嘢諗，喺佢哋而言，就係經濟實惠又要有效嘅，個個試完都得嘅，跟住先至流傳開嚟。
當然我講緊係某部份，至於一啲陋習就唔牽涉其中啦。

查日腳其實係咪根據日子就ok? 咁咪全世界撞同一款?

最後都係燒嘢。
寫個原因等人信服啲，反正你都驗證唔到。

有人同你講：
A. 你件事燒啲五色溪就搞掂。原來無從考究。

B. 你路過河邊得罪咗啲水鬼呀，你燒啲嘢就冇事。


B會令你安心好多

好認同

多謝你分享

lm