有幾多對可以經歷過離離合合之後成功係番埋一齊？

最近經歷完好多事，搞到個人情緒大上大落，純粹想聽下大家既故事，等自己個腦唔好諗咁多野

話說同ex由讀u已經開始一齊，段感情都維持左四年半，中間經歷左好多事所以都有離離合合過，但今年年頭因為d價值觀同安全感問題分手，算係和平咁正式分手。

分開左之後，佢離開左香港一段時間，大家都斷哂所有contact,所以都無咩諗過會再見得番對方，但話哂大家都一齊左4年半，一齊成長同經歷左好多野，所以我都會掛住佢同諗起佢，雖然分手係我提出，但心入面一直都想佢番黎搵我。

中間依段時間我為左自己唔好成日亂諗嘢，所以develop左好多興趣同develop自己，希望自己忙d充實啲，因為我係自己住，所以一到夜晚就會成日諗起佢，搞到成日訓唔著。咁我諗住試下上交友app識下異性，睇下可唔可以容易d move on啦，咁都有約過唔同異性出黎，但都係食下飯，行下街就算，都無再繼續發展落去。

之後find out到個原因係，每次一對住異性就會自然咁諗起個ex,例如同佢食過依間餐廳呀，同佢行過依條街呀咁，搞到我對其他異性無咩興趣咁，所以果下我知道我仲未放得低佢。

但真係講都無咁岩，上個月竟然比我係街撞到佢，明明大半年無見，個個都戴哂口罩，但我一眼就認到佢，之後大家吹左一陣水，番到去都有keep下contact,過左排都有出黎食左個飯。隔左大半年再見面果下都幾震撼，再見番佢個樣個心即刻卜卜跳，之前係app前前後後約過幾個女仔都無咁既感覺，同時佢都對我好有feel,咁大家不如就當重新認識過啦。

但果時都未知道佢係我地分手後依段時間做過d咩，到最近我地愈行愈埋，先知道原來佢見番我之前係有拍緊拖，但無公開，見番我之後就斬欖諗住同番我一齊。雖然我地分左手之後，佢同其他人拍拖絕對無問題，我自己都有上app識女仔，但我知道左之後，個心好唔平衡，同埋好驚個心會一直有條刺，所以我唔想繼續段關係。

D人成日話行到最後果個都唔會係最愛果個，依家開始信信地，自從識左依個ex之後，好似對其他異性都無果種感覺，同埋年紀愈黎愈大，都相信唔會搵得番當佢既感覺。有冇人教下我點move on

9up完，大家當故仔咁睇就ok, 有無人都可以share下故事

［臭雞磁石］有無人次次拍拖都係咁
https://lih.kg/2105838
- 分享自 LIHKG 討論區

咁你又話人臭雞？

當時都算係因為依件事分開既，如果同一件事發生係你身上你都會嬲啦，但事實上大家都一齊左幾年，點都有感情，我都係純粹想發洩吓

以前發生過咩事，以後點經營呢段感情先重要，呢個世界無聖人，我覺得你唔好因為一d改變唔到嘅歷史成為你思想嘅絆腳石，只要成熟點去處理就可以，最重要係襯仲有機會一齊番，就好好珍惜，如果連把握去捉緊一個人都唔敢，你一定會後悔的，重覆多次，呢個世界無聖人

我都知過去發生左既野係改變唔到，所以我之前都有重整自己個心態。到今次見番佢，我係有諗過點樣去重新發展，但所收到既新資訊實在太out of my expectation,令我好卻步，好怕再受傷，寧願繼續自己一個都唔想再冒險

咁我認為你要自己獨處番，諗清楚自己喺愛情同親蜜關係方面，你想要啲咩。等自己清晰知道自己想點，你就會知道自己想同點樣既另一半建立一段好既關係。

岩呀，雖然樓主個ex見異思遷鐘意左第二個而分手，分左手之後同新果個都一齊左一段時間

不過既然佢都準備比帽果條仔黎同翻樓主一齊，咁樓主都要好好珍惜啦

呢個世界無聖人，就算佢比人兩穴大開發都已成過去，最緊要既係而家佢肯翻黎

我自己都好混亂，好怕做錯決定但又唔想迫自己接受一d野

我知世上無人係完美，佢肯番黎我都好開心，但我唔知自己係咪真係可以接受到？同埋心入面有條刺

認真答翻樓主，你條女似養唔熟，我覺得如果你如果要復合既話就要做好心理準備，隨時佢又會回心轉意同你斬欖

1. 佢同你一齊左四年幾都變左心 變心無問題，問題係參考翻二樓個post, 佢都係同你分開左無耐，話咁快就有第二條仔，證明佢分手之前已經部署好曬，實際上佢係出左軌

2. 佢同得個新仔係埋一齊，轉個頭又要斬攬搵翻你，佢地係埋一齊有無半年？如果佢真係飛左呢條新仔，就證明佢一係對感情唔多認真，隨隨便便就同人開始一段感情，一係就半年內夠佢回心轉意

3. 好馬不吃回頭草，係夠愛既當初就唔會散，仲要係出軌式既散，呢個傷痕唔會修復得翻，以後大家心入面都有條刺，關係一定不如以前

當然佢都有機會洗心革面重新做人，但希望樓主諗清楚，接受到比人hurt第二次先試

正正就係因為你仲好鐘意佢，先更加要小心，今次可能會更加失望，連之前d美好回憶都破壞埋

養唔熟依個term好岩，同埋今次點解無再進一步段關係，就係我覺得佢太隨便就同人開始一段感情，所以令我卻步同怕會再受到傷害

我都好想keep住聯繫，好想知道佢近況，但真係可以用朋友身份去溝通？我怕只會愈來愈難放得低

中呀，果次見番佢之後真係咩回憶都番哂黎，好有當初一齊果種感覺，同埋果種感覺無其他人比唔到。
依家心入面果種感覺我都唔識去形容，我接受唔到既係，佢太容易就同人開始一段感情

咁朋友都有好多level啫, 可以係最低級嘅單純fb/ig 朋友, 唔一定係成日約出嚟玩先叫朋友

如果你接受唔到既地方係：
佢太易同人一齊

而唔係

佢主動放棄現任並意圖同你復合

我會建議你加倍諗清楚先好考慮復合

唔可以話你錯，但我睇得出佢係愛我既，起碼佢會為左我放棄其他人？

巴打可唔可以share你個故事黎聽下

咁佢只係呢刻對你有feel啫

老實講感情嘅嘢邊有可能時時刻刻都咁有feel，過幾個月對你冇咁有feel嘅時候咪又係同第二個一齊

重點都係要講清楚，問返佢肯唔肯個feel淡左都仲會行落去唔會咁易放棄

雖然條女而家對你有feel就一定會話肯嘅，所以最好唔好咁快攤牌了解下佢呢大半年有冇咩改變啦

如果冇都決定一齊返都真係遇咗散

其實有咩輸 你都試過同佢分開一次
起碼呢一刻你地對對方都有feel 咁咪再試下會唔會有改變

經歷緊同樓主類似嘅嘢
個人真係好迷惘