其實張敬軒比好多香港人都更愛香港。佢為香港付出既大家未必見到好清楚,所以眼下好多人都有好多關於張敬軒既爭論。咁不如我就拋磚引玉,為大家整理一啲資訊,希望幫助大家去再評價張敬軒。
1. 為香港文化貢獻
香港既本土文化,其實係構成香港人本土意識好重要既其中一部份。
文化,反映緊我地既歷史,而呢啲歷史有份塑造今日既自己,譬如我地既價值觀、待人處事、生活習慣等等。諗下鄰國同香港既分別,都好容易解釋點解文化咁重要。
當然另一方面,文化都係香港既軟實力既一種。
當我地認識多啲本土文化,除左可以認識多啲呢個社會同自己之外,都令自己更加識得去欣賞香港呢個地方既美妙,微觀令我更愛香港,宏觀令香港人既本土意識更壯大。

