寒潮已經橫過天涯海角,三亞氣溫落到20度左右
主體冷渦就橫過渤海進入中國東北,內蒙古東部同遼寧都出現嚴重暴風雪,而吉林同黑龍江就出現凍雨現象:
內蒙古通遼截至晏晝四點錄得65厘米積雪,打破該省有記錄以嚟最大積雪量
今日上晝工作人員量度積雪深度嘅情況
今日中午同夜晚嘅對比
遼寧鞍山錄得34厘米積雪,同樣打破當地記錄,部分地區積雪量達90厘米
(註:降雪量=/=積雪量,雪嘅體積比水大,降雪量係以降雪化水之後嘅水平計算,而受濕度、溫度、降雪形態等因素影響,降雪化水嘅比例會有唔同,兩者比例由3倍到20倍(北方一般1mm降雪<=8mm積雪,南方比較低)不等,因為咁十幾毫米嘅降雪已經足夠喺地面鋪層十幾厘米深嘅雪。舉個例子,西藏聶拉木曾經錄得一日降雪量196毫米(1989年1月),積雪深230厘米,差距達到12倍)
至於哈爾濱今日較早時受溫帶氣旋影響,出現逆溫層,降水形態劇變。
哈爾濱本身落大雪,到咗今朝受氣旋影響回暖變咗落大雨,然後中午底層寒潮增強地面氣溫回落到零度以下變成落凍雨,今晚暖區走咗冇逆溫再落返純雪
水、冰、雪三溝為呢一個冰城帶嚟罕見奇觀。
雖然係罕見嘅奇境,但落凍雨唔係D咩好事。
凍雨有機會因為太重而壓斷電線同樹枝,一條條凍雨斷咗嘅冰條亦都有機會責傷人,雖然畫面好靚但都好危險下。