A0 出pool 但係點解我不快樂

好揾唔揾揾個讀hd嘅，抵撚死啦。

你唔想/驚同對方傾，咁佢咩都唔會知
可能佢覺得依家啱啱好呢
而且你又自己比deadline自己
咁可能佢乜q都唔知就會被你飛左…

你呢個case 應該歸類為唔識拍拖，下個post 就係分手後悔post。

一樣情況但係對方唔係a0 我好想搵日約佢出黎傾吓 但係佢完全係拒絕溝通 認真同佢講嘢就hea我 話唔鍾意嘈
但係我又唔想散 又唔知佢點諗

熱戀期嘅peak應該半年至一年左右
岩岩拍左一個月真係仲習慣緊對方

點識

分手啦

姐係唔鐘意

曖昧唔係鍾意牙仔
雖然鍾意就會有曖昧但係有曖昧唔一定係鍾意

未識佢之前咪正常打工仔
返工放工煲下劇健身之類
有朋友約都會出去
遊山玩水 玩下咁

因為我自己唔係一個好主動嘅人
冇人約都好少話特登約人
所以識到佢最大既轉變就係主動咗啲
因為佢已經好被動
同埋甚少提出有咩想做

我都唔想拍拖好似變咗為拍而拍
純粹消磨時間咁
但我哋相處嘅時間都唔係話好多
多數都係返工接送 食下早餐咁
因為佢唔係返工就喺返學咁滯
所以我嚟緊都諗住睇下夾唔夾到多啲假
一齊相處耐啲 發掘多啲共同興趣

其實只係唔想佢覺得
我太過痴身同太chur佢

同埋我deadline嘅意思
就係同佢傾啫 唔係諗住散嘅
不過唔排除講咗出嚟
大家關係會出現變化

其實我都明 所以我都懷疑
係咪自己步伐太急
令到佢跟唔到嗰節奏

因為其實大家text冇乜嘢
係有時出到嚟
大家唔係幾似拍緊拖
有時拖住佢行街 我都知間唔中會deadair
會隨口講啲嘢 望下手機咁
但行一陣佢就好似趕住走咁

其實拍拖都係為咗見下大家啫
至少我係咁諗

如果我冇表白到 可能我都會咁覺得
但係佢say yes嗰下 唔會一啲鍾意都冇掛
定其實只係形式上有所轉變
內心嘅感覺 其實未到愛

不過反正都開始咗
我都想試下將冰山劈開

好吖，聽落都正路
平時一齊做啲routine嘢例如接送食飯等
係OK的
主要係睇下佢嘅反應
尤其你有時有啲活動係有比心機
Let say 你搞咗個假日去離島嘅活動
如果佢玩完一日都係呆呆滯滯咁
可能你要同佢傾下，係咪有啲咩唔開心
目的係知道佢內心想法，佢未必清楚知道想做啲乜
但從佢講嘅感受，你大概會get到

你都要比佢知道你嘅感受，唔好收埋
係自己女友面前收埋自己嘅感受係好蠢嘅行為
唔係要你發爛渣，而係平淡講自己感受
對方會知道，會因應你去作出行動上嘅改變

拍拖最緊要係有來有往，互相分享感受
咁先會一齊變得更好

你就對人乾柴烈火 人哋就當你乾炒牛河

因為你第一次拍拖，對拍拖個幻想太過大，以為長期都好夢幻

睇你講野都覺得你份人好悶
仲對人地多多要求,滿足你既fantasy
你有幾愛佢姐?你當佢係你編既劇既演員咋
你點對人人地咪點對你囉

你明白就好
冇經驗嘅好可能會幻想到拍拖好美好
但現實同想像真係南轅北轍
你哋先啱啱一齊又第一次拍拖
試下比多啲耐性去explore對方
可能個女仔好慢熱唔識表達？
又可能你哋本身都未係太熟
親密感係需要時間去建立
既然你都講到自己係追求者之中脫穎而出
照計對方都應該有意同你發展
同埋同一時間其實佢都可以同樣覺得你同佢既關係不似預期，所以最好就係傾下

你有心就唔好太介懷做付出多啲個一方
不過都可以set定一個止蝕位
努力試下，如果到某個時間(例如半年)都係唔work就放手
放開啲睇，萬一今次唔work，你都學習到同異性相處既經驗，至少知道下次唔好再搵類似既人

會唔會其實佢根本唔係適合你既人