唔推薦大家用pet to nature 寵物善終公司

事源係我陪左我17年嘅bb係今年6月份走咗，事過5個月左右內心終於平靜左，可以打返呢篇投訴文章

發生當下冇諗太多，知道pet to nature 係香港唯一水化善終服務又環保又有哂訪問又見哂好評咁，離屋企遠啲都冇所謂啦(當時住將軍澳，中心係元朗再入)點知咁嘅決定真係足夠後悔一生

1. 不尊重家屬
到中心告別禮後，本人已經喊到不似人形，一推走你bb就會比呀sales 姐姐叫坐低sell骨灰甕同其他紀念品，而呢位sales姐姐係表現出佢嘅不耐煩同埋態度差，當下我喊到都冇力回應/投訴佢，態度差對話當下有:

a)揀骨灰甕時有分不鏽鋼同陶瓷，當然我冇接觸過就會問分別係咩，呀sales姐姐當下就極力推薦不鏽鋼料，話陶瓷保存唔好會潮濕左啲骨灰到時候你返嚟求我哋都冇用(其實當下有諗洗唔洗咁講嘢，當佢講到咁我都揀左一個二千多嘅不鏽鋼骨灰甕，因為唔想令自己有任何後悔)

b)到揀整3D手仔時，其實一直都想整手仔，其實唔洗sell我都打算整，點知行到個架，sales姐姐又開始話：其實寶貝遺體一整留到而家就係等家屬揀整唔整呢個紀念品(聽到好無奈，留到而家係因為我要尊重呢件事同我寶貝去告別，而唔係為咗你呢件紀念品囉）

c)整呢個3D手仔要配以相架去裝住手仔同其他配件如毛髮，牙仔同寵物相，sales 姐姐一度硬sell一款無貨嘅相架，無任何空間比我揀其他款，亦不停重複唔知幾時會有貨，船期不定等等，當我想揀其他款色相架亦一度阻止，當下真係冇心情同佢拗，唯有揀左個”唔知幾時會有貨嘅相架”


2. 紀念品貨到時間不明，但投訴就即刻有貨

選購好所有紀念品後，sales姐姐會mark埋拎骨灰日子，當其時佢幫我mark 左一個月後，話到時候順便拎埋相架。到拎骨灰日子前，知道個相架原來仲未ready，本身whatsapp 同中心講如果係唔知幾時先有貨我唔要相架啦，而得不到任何回覆。

咁當然我都如期準時去中心接返bb返屋企，到中心投訴相架一事時，職員即刻話另一款合適相架有貨，會盡快安排家屬再次到中心取貨。(本身話冇貨冇貨，但一投訴就有貨，whatsapp又唔覆，之後過左一日佢就話有得到中心取貨，而我又要再坐兩個鐘車程去領貨，安排十分差)


3. 職員送錯速遞地址
紀念品當中有選購到骨灰晶球頸鏈，咁sales 姐姐有話兩，三個月左右有貨，咁我都預期到時候我應該已搬遷原本住址，所以註明左頸鏈到時順豐到付到我公司地址。而可惜貨到時候，順豐打嚟原來又係送返去我舊址，當時候已經搬遷走無人收貨，而我又要比多筆運費轉寄到公司。 (件事我有whatsapp投訴，今次係有回應，中心職員有打嚟講唔好意思，而係我主動要求下先表明會退回運費)

總括然而，本人對pet to nature 嘅服務態度同質素不敢苟同，希望各位家長選擇寶貝善終服務抱以謹慎態度，多問身邊人意見，免得同我一樣後悔

屌佢老味推到呢間嘢仆街
最可恥係呢啲撚樣
襯人地傷心意志力低 無心情時
乘虛而入亂sell嘢賺人地錢

呢啲仆街全家人骨灰濕撚晒都抵撚死

分化黃店，又block一隻

樓主，本人無唔尊重你寵物嘅意思

但難聽d講，一個爛尻兜賣二千幾真係同比人㩒住黎搶無分別

不如用翻以前寵物用開個隻碗／樽裝住佢d骨灰再放包防潮珠落去咪仲好，就算唔計價錢，點都起碼有個意義喺到

再唔係自己出去揀都唔會貴到呢個價，用動物賺錢本身睇落都唔係一件好睇嘅事，仲要用人地死左嘅寵物當人水魚咁呃。普普通通幫人寵身處理身後事咪算，又要扮曬有紀念性咁整埋d side product,根本用呢d價錢做呢d生意，就算個sales幾好禮貌我都唔會覺佢地有尊重你隻寵物

我幫趁過兩次，兩次都會預先安排日子去傾告別日時既布置細節安排同其它例如記念品或骨灰龕你可選擇要定唔要，其間完全冇強逼呢樣野，好奇樓主既遭遇。

我兩次都冇比人 sell 野喎。

佢事後會比返水化前後既相比你，有哂編號對照，如果咁都話唔知比乜灰你就真係冇野好講。

我都好奇點解我個程序同你完全唔同，我第一次去中心就係去我寶貝嘅告別禮，先前亦無任何提過細節安排，當日流程係點職員都無提過

而家覺得你講得好有道理，可惜當下感受已經完全蓋過左理智

推 太多寵物相關既黑店、無良心

點解香港特撚別多黑店

咁我都想知返點解我個遭遇咁樣，我係whatsapp同中心投訴亦都唔到回應

黑店 推

我之前係揀寵之家 個老闆哥哥好nice架 又冇sell野

一模一樣 都係揀左依間

sell骨灰甕個阿姐應該係老闆黎？
揀過陣因為我都唸住長罷係屋企 佢話潮濕有機會生蟲過d
所以我都揀左不鏽鋼...

P牌仔推唔到留言好想推到上熱門!!
正常善終公司都唔應該出現錯誤，一次都不能接受

Same here乜流程都冇通知過，完事就求撚期俾張證書你人哋火化都可以望住整個火化過程

真心可以試吓消委會同小額錢債，起碼拎返佢哋個道歉先。不過樓主咁耐之前唔知仲得唔得，我當前一個月內即刻搞

冇撚用㗎，Pet to nature啲相矇到痴線。之前叫佢俾返原圖我，佢話因為公司內部問題點都唔會公開

仲要我嗰隻動物係倉鼠，正常都唔會打磨骨灰(我都強調過唔好打磨），但最後我拎到個包成包都係粉，佢仲可以答我「小動物骨質問題」

但牙齒都keep唔到隻，咁好明顯經過打磨啦，一係就唔係我隻動物嘅骨灰。（正常牙齒火化後都唔會熔）

要信就繼續信我淨係知間野Facebook啲好評全部作出嚟，細心啲睇會見到有好幾個人重複咁留好評

如果佢係冇問題就唔會驚到賠錢俾我啦

推