玩具貴婦 VS 八哥

如果有得俾你揀是旦養一款，你地會揀？
呢兩隻適合新手養嗎？

兩隻分別好大wor, 一個長毛，一個短毛，智商性格都好唔同，應該睇下你自己鐘意邊種

貴婦聰明，學野好快，基本上返屋企一星期內學識定點大小便，唔甩毛，bb養起大多數性格活潑開朗，痴人，親人

不過有啲貴婦會過分痴人，如果屋企長期冇人，好容易有分離焦慮症，同埋貴婦係100% attention seeker，仲有因為佢超聰明所以會不斷試你底線

喺香港地貴婦算係比較適合養，又唔使太大空間

利申養緊迷你貴婦

貴婦好啲，無咁易甩毛，而八哥氣管好易有事，同埋夏天好大味

養咩品種好 都建議領養代替購買

領養=搞鳩自己
一係買
一係睇下有冇人有多

迷你係咪即係茶杯？

貴婦係心機狗黎
八哥係好為食好天真

搵我？

正解，不過就有氣管問題囉

少少野都話煩 咁學咩人養狗

同埋其實好多狗場嘅手續都唔煩

其實兩隻都中意，未養過所以上黎聽下大家意見。

係 我都聽其他人講過貴婦叻的
有無你隻迷你貴婦相睇睇😍

我有朋友養緊八哥，都話甩毛好多

so cute 😍
呢隻茶柸size?

八哥十下十下個樣係真係好cute 🥰

大過茶杯，細過玩具
Around 2-4 kg

貴婦智商係等於三歲小朋友
好鬼過癮

一定係Poodle 我以前係唔鍾意Poodle 係機緣巧合之下 我養咗而家隻Poodle 跟住比佢智商吸引住 真係好聰明 我根本都無乜點教過佢 已經識定點去廁所 做任何嘢都要sit 等我哋講OK先可以做 亦從來冇喺床度大小便 佢識分去廁所 同瞓覺嘅地方 甚至屙完尿 佢唔會比自己踩到 都幾鍾意乾淨 不過呢點 我唔知係咪隻隻Poodle都係咁 都會甩毛 但好似一舊舊塵咁 你執咗佢就得 啲毛都唔會痴住晒件衫 完全無狗味 邀請朋友嚟都唔怕陣狗味會臭到人 但因為太聰明 都真係會挑戰你底線 明知唔做得嘅嘢 佢會望吓你 無人留意到佢 佢就會去做 但萬一知道自己比人發現咗想做壞事 就會扮晒無事發生咁 你講乜嘢 佢都好快get到 例如上床瞓前要佢屙尿 出遠門前屙一次尿 今日未屙便便 只要你同佢講 佢就會做 根本上都唔似一隻狗 真係好似一隻狗形嘅小朋友喺屋企咁 好有性格 唔係見人就搖頭擺尾要摸摸 而家真係完全比Poodle吸引住 但比較痴人係真 個人鍾意大隻啲 過癮好多 我好怕啲好細隻 硬係覺得好易整親佢 我隻Poodle都6.5kg重 Poodle出名玻璃腳 但又鍾意跳上跳落 大隻啲 啲骨都壯啲

Thanks for your detail.
想問你個隻貴款係邊隻size 既貴婦？

八哥d表情好搞笑
又肥

一講起Poodle就忍唔住講好多
佢哋似熊公仔 無辜辜嘅樣 但又好醒目 太吸引
我嗰隻係Minituare size
大隻過Toy size

miniature size先啱 打錯

所以都仲十五十六，唔知養邊隻好
兩隻其實麵好得意😍