職:阿婆,想入街市呀?
婆:係呀。
職:麻煩掃咗安心出行先。
婆:咩黎架?
職:政府規定入街市前要掃架,當有確診者入街市時,個程式會通知你去做檢測,好有用架...(下刪N字)
婆:咪講咁多啦,我要點做呀?
職:你拎部智能手機出嚟,我幫你掃啦!
婆:智能手機?冇喎。
職:你可以填紙仔架。
婆:
,你不如早講啦!
婆:要姓名、電話、身份證頭四個字、入街市時間?阿婆唔識字點填呀
?
職:唔緊要我幫你
,你拎身份證出嚟。
婆:哦
職:你電話號碼係2123-4567?我點即刻打比你証明個電話係真定假
?
婆:我冇手提電話呀,咪填屋企電話囉。
職:屋企人呢?
婆:返緊工點聽電話呀?你估好似你咁得閒咩
。
職:唔即刻聽電話我唔比你入架。
婆:唔入去點買餸呀?係唔係想餓死我同我屋企人呀
?