女朋友嬲我去迪士尼一蚊都冇洗過 點算

諗起有次同男朋友野餐 我手fing fing去 佢就帶哂竹籃地布set場打卡 仲神驚無神拎個腳架出嚟 笑到我

都唔講你有冇心氹佢
百零蚊個頭箍，三舊幾水一餐飯都俾唔起
學咩人溝女

樓主笠咗水？

銀卡買野有折

感建分

睇完覺得買唔買頭箍都未係大問題，有時女仔自己都清楚嗰樣嘢唔等使，感性同理性之間掙扎完都會決定唔要，嗰吓係會有少少唔開心，但影響唔大。

但排隊嗰度，個女仔未出聲你就拉佢走？呢種情況只可以係女仔自己見到排長龍話要走，你拉佢走佢仲肯跟你走咪算係咁。

明明係想一齊過吓節啫，應節嘢都唔俾買，又難怪佢唔開心喎。

有幾何出去玩？平日都物質就話拜唔拜金姐，出得去玩就唔好計住就住，講緊唔只迪士尼，無論旅行定去其他地方時都係，開心最緊要，樣樣左計右計、顧呢樣顧嗰樣邊開心啊

諗起我老豆細個帶我去海洋公園
咩都唔比買
我扭計要買一啲公仔糖
佢買係買左比我 但係好惡咁屌柒我話你唔食曬佢就打撚死你
然而支糖真係幾難食 唯有忍住眼淚咁食曬佢
食緊支糖既時候係睇緊海豚show 最後完全無印象睇左啲咩表演正係記得支糖同埋佢黑口黑面
個童年陰影大到呢 之後我就無去過海洋公園

焗豬幾好食

你唔明白女人
你做100件好事，只要有1件事唔合佢地心意
你就死得
你令佢有任何心情唔好，無論原因都係你錯

係咪仲衰過返工對住老闆呢

連登世界變？
以為會好多人鬧個女仔港女
結果矛頭直指本來想爭取認同感嘅樓主
感動

樓主應該係打機唔會課一蚊金

我又唔係咁諗， 去得廸士尼， 除咗可能有公主病之外， 多數都係對感情有期待，唔會好物質

屌我中學生同女朋友去迪士尼都送咗個頭cool俾佢啦
我諗樓主唔會少少經濟能力都冇啩
有時啲嘢做完可以令女朋友好開心咪當為佢付出下

應該自己帶水入去？
但依排冇暑假嗰陣去咁出汗其實唔飲都頂得順

感建分
大把唔物質女人唔揀係要揀港女
條路自己揀

入廸士尼已經好錫住佢， 換咗其他港女， 帶佢行ifc / 海港城佢實話破產，真係身在福中不知福

百零二百蚊都要慳 樓主咪學人溝女啦
分手啦 放過個女仔

唔係個個女仔都咁
入面啲野真係貴 好少去 亦無買過任何紀念品