返工大壓力到便秘/腸胃差係咪好常見？

仲有凍奶茶

自己本身腸胃唔太好成日肚痛加腹瀉
幾個月前突然小腹加腰痛到去急症睇醫生
當時咩都CHECK唔到叫排期做檢查
但食左藥都止唔到痛同瀉(一日平均6-8次)
唔想再等走左去睇私家醫生
醫生安排左照腸同照CT
結果腸道無事，醫生話可能係腸易激綜合症
無藥醫 藥只可以舒緩當一刻症狀
成因可能係飲食習慣、身體狀態(我當時體脂31%,內臟脂肪15%)
仲有壓力都好大機會影響到
我自己開頭都唔覺壓力大
同班同事傾時先知原來我俾左好多壓力自己
平時同咩人閒談時都好緊張
開會前必定會肚痛

唔記得左講便秘都係腸易激既另外一個症狀黎
個病有兩個極端 瘋狂咁肚瀉/便秘

咁你而家點？仲係有呢個問題？
我係weekend腸胃就好好多 cls

我都係 返咗呢份工 但人好攰壓力大 又冇屎屙我驚遲下會出事

我之前都係, 份工比較大壓力, 自己又容易緊張
幾個月前因骨折要長病假, 得著竟然係解決了便秘問題

之前返工時間長, 起身趕頭趕命趕返工
在公司時有便意都忍住唔去

我都唔肯定之後返番工會唔會變返差
但樓主都可以試下早少少起身
要有足夠時間去個大
刷完牙飲杯溫水
就好快想去, 日復日習慣了就嗰個時間有得去

其餘時間如果想大都盡量上廁所啦
忍了大便水份少了變硬就易便秘

同埋唔好因為返工忙就少飲水
(我之前係, 怕要成日去廁所)
食菜/水果多唔飲水係冇用的

不過如果長時間都沒改善
就真係諗下要唔要為健康考慮轉工了

我都有狂飲水
但衰在有時係office忍大便之後就去唔返
而家便秘既影響就係開始去廁所會流血 好驚痣瘡會好嚴重

日日都擔心搭車會肚痛
難得係公司有少少自己私人時間都俾左痾屎
試過係公司痾屎痾到遲左meeting

返工先多屎屙...

我第一次食希臘乳酪,即刻爆屎

所以如果朝早起身後定時去到一次會好少少
因如果朝早冇去, 返工想去又忍, 大便會更大舊之後更難去
當然唔好忍即時去到最好

我自己都係慢慢改變習慣而家大多早上去到1次
有屋企人仲勁, 定時朝早一次晚上一次
我都想咁規律