有冇人去過保良局領袖訓練營

沉睡中的主角

90 回覆

41 Like 4 Dislike

沉睡中的主角 2021-10-25 22:55:07

當年冇參加，被逼係學校圖書館自修

有冇人分享下入面咩環境

蠶蟲師爺 2021-10-25 22:59:05

基本上同嗰啲人生教練課程冇分别

沉睡中的主角 2021-10-25 23:00:51

近日保良局領袖訓練營爭議不斷升溫，接連有受害者現身說法。有自稱10年前曾參與訓練營的人士向《香港01》爆料，提供當時營內的照片，並對當年涉帶有侮辱的訓練方式仍然歷歷在目。當時一眾學生要躺在地上扮曱甴，更要大叫「我係曱甴，我做錯嘢」。
有中學教師過去10年負責帶領學生入營，他認為近年訓練營的效力愈來愈弱，有學生參加訓練營後更需長期輔導，質疑學校高層「神化」訓練營。

保良局領袖訓練營多年來均被指虐待學生，近來有學生再度公開營內「殘酷真相」，更表示有教練亮刀與學生糾纏，並向學生以粗言穢語作人身攻擊。另一邊廂，亦有人爆料上載多張照片，相中顯示參與訓練營的學生疑被罰背着花盆蹲下，用面擦地，更被要求滿面泥沙吃飯，令多名學生肚痛不適。

《香港01》接獲三位保良局屬下學校的學生報料，指控訓練營內容無理，以下三項更是很多保良局學生均曾經歷，指營內有洗腦之嫌。

沉睡中的主角 2021-10-25 23:03:34

一、用字殘酷，令學生自尊心極低
2007年參與保良局李城璧中學第一屆訓練營的陳先生形容，訓練營對中學生「好heavy」，「教練用字好Harsh，因為佢哋話唔係班房老師，所以用字可以唔同」。他在營內和另一位同學常被教練點名批評為「自私精」，每次活動輸掉後，均被指原因就是他和同學為「自私精」、「叻唔切」。陳先生指，中四這個年齡很需要朋輩間的認同，同學不斷被教練批評後，「自尊心俾人打擊咁」。

同年參與保良局朱敬文中學的中三領袖訓練營的王先生亦指出，同學會被罵垃圾，更要在地上扮曱甴，「因為曱甴係社會上最低等嘅生物，話我哋服從唔到命令，價值觀錯晒，要我哋瞓喺度反思。仲要講『我係曱甴，我做錯嘢』」，令學生失去自尊心。

曾經參與其他軍訓的他指，保良局的領袖訓練營多了侮辱的成份，「人哋真係入去步操，跟住團隊合作，但唔會貶低你，唔會叫你扮曱甴，話你係廢人」。

NuxtJS 2021-10-25 23:04:10

kenny sir

沉睡中的主角 2021-10-25 23:04:23

二、強逼剃頭，變得有奴性
陳先生指當年入營第三日，教練向他們指「如果你哋團結就要剃頭、好想重獲新生就一齊剃頭，呢個係一個symbol」，陳同學認為訓練營灌輸一種「有自己style就係唔好」的觀念予學生。

王先生也提及到入營需剪頭髮，但憶述教練指是因為校方教師投訴學生頭髮過長，於是抽三數人出來剪頭髮，他認為是要在眾人面前貶低學生，「落我哋面」，再將他們的一套所謂良好價值觀給學生。

三、幫教師揼骨、時刻要請安

陳先生憶述，在營內遇見教師，需要立即跑到教師前請安，最後演變成「喺角落見到老師個影，都會放低手上嘅嘢衝埋去講早晨」。

王先生講及營內須替教師揼骨時指，營內教練會講「今日老師都辛苦，係咪應該幫老師揼骨，食飯前回報吓老師呢？」同學大多都因為想食飯，所以均會照做。

另一名於2010年參與保良局李城璧中學領袖紀律訓練營的C小姐指，同學在營內要幫教師按摩、討好教師，認為「係將你（學生）push到去最低嗰格，之後教練有個高地有啲權威令你信服」。

全部都係雞尾酒 2021-10-25 23:05:11