點解要整
關愛失明人仕，做下啲匙扣比下愛佢
學乜野
接合亞加力膠
勾刀界膠板
熱塑性膠的處理
1. 加熱會軟
2. 冷卻變番硬
3. 有復原能力＜好似是
工具同材料
焗爐、砂磨機、亞加力膠片、點字模具、金屬塊、化膠水
點整！
A. 預備點字模具（大約60*50）
1. 用化膠水痴埋佢！記得係壓實2片板再係條縫油，透過毛細管作用滲入去！
2. 搵個點字表，擺好你想要嘅字，可以諗下Love、Happy、Smile、Lihkg、Baby、數字。同埋屈d鋼線係下面個框框
3. 準備多舊鐵，痴滿雙面膠紙
4. 一野反轉壓落去，可能會移動左或痴唔實，自己整番好佢
B. 預備膠片
1. 我會lasercut cut定100*50*5板，可以比佢一分為二，整2件
2. 量好50，用角尺拍齊畫直線
3. 勾刀勾勾勾有絲有聲就完美了
4. 用虎鉗夾住佢，之後用手一推就輕鬆啪斷
再用勾刀尖界番斷張紙
5. 一塊用黎做點字，一塊比學生自己諗自己想整的野
C. 膠加熱！
1. 預熱焗爐200度左右,170-250都可以,焗5分鐘
2. 將膠板同點字模對正，用虎鉗夾實，等30秒左右沖水掟去沖水降溫。
3. 壓完效果
D. 開始加工處理
1. 將工件放在砂磨機打磨，分清楚打磨方向，張相是放出邊，逆時針轉放左邊
2. 打到點點間沒有連接痕跡，粒粒分明，約1mm左右
3. 依次序由細至大打磨，220、400、600、1200、1500，最緊要每一級磨完你唔會見到上一級或者前一級痕，就姐係可以進一級，最後用省銅水拋光，你會聽到「擠擠」聲代表完成了
有D砂紙漬
E. 再放入200度焗爐加熱！大功告成！
彎左唔太靚
下次再努力
其他加工!
可以用線鋸番做合適大細同形狀，
當然邊邊都要打磨，
再鑽個孔就可以整個匙扣上去嫁啦！
講下個原理！
膠片加熱會變軟，係呢個時候壓佢就凹左，咁佢自然冷卻，變硬左就唔會彈番出黎。咁係呢個時候打磨佢面果層，就真係磨走左面果層，壓左落去就唔會磨到，當佢加熱時候，就會番番去原本冇被壓狀態，姐係佢會凸番出黎。
咁就整到一個比較手工嘅凸字匙扣啦，如果你學生好多時間，唔好比佢用砂磨機，就咁比之銼同砂紙佢磨呀磨呀磨。
可能你會話用CNC咪得，土地問題呀!!!!邊有禁多地方放野呀!!!!
未試過比失明人仕試用，所以唔知成效，睇下有冇機會合作試下
完！！！！！
呢個星期開始會同學生整，唔知有冇靚野呢
下堂預告！小巴水牌匙扣！
好似仲未有心整呢個
