買股票新手問題：點解派息除淨會扣左股價？

總之每股派幾息，就股價到除淨日減返幾多錢

【匯控失息】除淨後反口不派息 鍾絳虹：屬市場運作無法追究 (16:32)

文章日期：2020年4月1日

匯控（0005）歷史性不派息，市場上有投資者指匯控在除淨後才反口不派息，做法是否有問題；熟悉上市公司派息運作的卓佳商務部董事總經理鍾絳虹指出，「除淨」本身是市場運作一部分，是投資者將股份「在除淨日後不能收取上期股息」納有考慮後對股價的評估，只能算是影響股價的其中一項因素，亦不涉上市公司本身操作，因此無法追究。

一般而言，上市公司宣布派發股息後會訂定一個日期，稱為「除淨日」，只有在除淨日前記錄在股東名冊上的股東才能收取股息，由於當日開始買入股份已不能收取股息，投資者在衡量股份價格時，會將股價扣除股息，倘若無其他因素影響，股價會因此下跌，這個操作稱為「除淨」。

鍾絳虹解釋，除淨只是影響股價的眾多因素之一，實際上亦經常出現股份除淨日股價上升的情況，反映投資者難以要求匯控取消之前除淨的影響。至於匯控宣布派息後反口是否違規，則可能要視乎其公司章程有否相關限制。

股價係交易所自動對盤所得的最新成交價
試問邊有會計師同你每秒計住公司資產淨值幾多？
公司業務每秒鐘都可以有入貨生產銷售

如果所有股民夾埋唔理除淨日扣息嘅開市價
用番上日收市價出價買賣
咁下一秒個報價就係呢個數

1, 大股東注資,要睇佢用咩方法注入,常見就A 發新股,股東認購,B借貸,甚少大股東會[無償注入現金流]，即係現兜兜DUMP入鹹水海吳分別。
如果發新股，股權就會變淡，投資者會係市場反映價格；如果借貸，真係有DEBT，會係BALANCE SHEET反映
假如派息唔除淨,係無辦法完成反映公司價值,因為公司價值包含公司現金流,公司CAHS少左,股價不變的化，公司派晒所有錢都得。

話時話上次除淨舊錢去左邊 第日入返0005?

即係除淨完理論上個價就不變
純粹肛交所會出個跌左既價位俾人知除左淨
公司資產少左 理論上會平啲
但開市個股價依然會跟返第一單deal黎決定

咁匯豐反口單野其實算唔算呃鳩人賣平貨

唔派果下其實應該反映番
不過之後係咁跌突

呢個問題好複雜，事實上係處理唔到。

唔係公司話唔派，係英國央行話唔比你派，咁你小股東可以點做？組團籌錢去英國打官司囉，但成本同效益係不成正比。我估最後都不了了知，成件事橫誇中英港三地法律同市場，真係搵邊個都搞唔點

正確答案係
好多人借幾日孖展，臨除淨時幾千萬咁去買隻股
一除淨日過就人踩人拎番錢再套現
所以除淨後股價會插，尤其息高既股

股價報價係參考價格
最終成交價係睇對盤
未開市前由系統扣息造成開市參考價
有咗第一單成交就決定最新報價
如果所有參與者企硬唔理個開市價
（考慮咗除淨又唔派息因素）
交易所呃唔到人
試下考慮啲有價無市嘅超冷門仙股
報價話8仙唔等如一定掛8仙就買到/賣到

開市第一口價自從有競價時段就已經唔係用第一單deal去決定

公司市值同資產值經常都唔match，所以先有市賬率 > 1 或者 < 1
學樓上上話齋，除淨日股價跌係因為市場上集體智慧認為合理股價要扣除股息
所以對一d流通量唔高既股票，經常都唔跟除淨股息變化
因為只要有一兩個大戶出更高/低價就可以干擾集體智慧

有價無市就係咁
就算掛市價盤都唔一定係按即市報價成交架
冷清嘅時候掛成朝都可以成交唔到

競價市段只係提早咗開市
用另一套 algorithm 對盤

咁原則上我係持有當日除淨後既息權？
咁而家話可以派返，係咪照計要按返當日名冊黎派？

除淨當日買入無息收架喇
要收息係除淨前一日買

第二題唔識答
問匯豐

原則上係，如果佢話派返就按照你所講，不過有人就話拖咁耐先派會影響公平性，繼續要唔要補償呢個問題。

我聽到都覺得複雜

假設每股值$X， 派息$1，假設股價完全不受市場影響及股值完全反映未來現金流present value 。

如是者，除淨日前一秒鐘，投資者手上資產嘅現值就係exactly $X

除淨之後，果位投資者會多左$1 dividend receivable, 再加上股票現值。

至於股票現值係幾多？咁要諗如果有人響除淨一秒後買，佢係唔會享受到果$1 股息，咁股票價值變左$X -$1，因為股票不可能同時出現兩個價錢，而派息活動唔會改變投資者嘅資產值，試想像股息一係放響公司度，一係響你度，理論上一樣值咁多

驗證呢樣野啱唔啱，可以諗如果唔扣果$1，我就可以除淨前一秒買入，除淨後一秒即賣，但果一蚊就袋袋平安，咁係人都會搶住咁做，最後套戥到除淨前後都會差一蚊

有錯請更正

匯豐控股CASE 呢

攞special case嚟講冇得講，佢想點處理都得，反正就係唔畀

正如樓上講，扣股價果刻已成歷史，你都trade唔返果個價啦