點解颱風名咁棧鬼？淺談熱帶氣旋命名史

上兩個星期，獅子山同圓規先後影響香港。
除咗佢哋所造成嘅影響，兩個風咁特別嘅名亦都令市民印象深刻。

獅子山呢個名係香港畀嘅，而圓規就係日本提供的。

究竟颱風係點命名嘅呢？又有冇得換名嘅呢？

歷史
第二次世界大戰前，熱帶氣旋係冇名，只會為部分造成嚴重災情嘅TC命名，以作記念。
例如1881年造成二萬三千人死亡嘅海防颱風、1922年嘅汕頭颱風、北大西洋大颶風(1780年)、1935年嘅勞動節颶風等。
當時嘅天文台就係以當時嘅農曆年份嚟記錄有咩風吹襲過香港，例如1937丁丑年嘅丁丑風災。
另外，戰時美軍亦會為觀測到嘅颱風進行命名，1944年嘅眼鏡蛇颱風就係一個例子。

lm學野

G持

Lm

二戰後嘅第一代颱風命名機制
二戰後，美國海軍喺關島尼米茲山設置咗聯合颱風警報中心(Joint Typhoon Warning Centre, 縮寫JTWC，1999年元旦遷往珍珠港)開始對喺西北太平洋(赤道以北，東經100度線以東至國際換日線以西之內嘅區域)進行觀測並命名。
呢一個階段TC全部係女仔名(據聞係預報員用佢哋女朋友嘅名嚟命名)
如果唔駛除名4-6年後會再見同一個名。


雖然美國有命名，但唔係個個國家都會跟。
先講香港，1946年吹襲香港嘅Ingrid(台灣中央氣象局有畀中文譯名英格瑞)，交合唔承認佢個名，中英文記錄都係寫無名(noname)。
日本同中國就係以當年第X個形成嘅TC畀編號。
例如，吹襲浙江嘅颱風溫黛(1956年)嘅編號係5612，即係1956年嘅第12個熱帶氣旋。
雖然中央氣象台嘅TC資料庫係有英文名，不過普遍風迷回顧2000年之前嘅TC係用颱風編號而唔係用佢英文名。

至於日本就係用年號加編號(1953年盟軍佔領期結束後)，昭和/平成/令和X年台風第XX號，沿用至今。部分災情嚴重嘅颱風JMA會畀名佢，例如南施(1961年)就獲號第二室户颱風。

第二代熱帶氣旋命名機制
1979年，第二代熱帶氣旋命名表誕生，用咗20年。
呢一代嘅命名表出現咗男仔名。
亦都係喺嗰一年開始，有衛星觀測TC，機構評估唔駛再估估下，有得對表參考。
同一年，Tip爺橫空出世，佢嘅實測最低氣壓(870 hpa)同超巨大風圈(2220km)至今未有任何TC超越到，可以話係海洋對衛星年代開啟嘅獻禮。



日本喺兩年後獲委託為每個西北太平洋同南海區域內達到熱帶風暴強度(中心風力65公里或以上)嘅熱帶氣旋編配一個國際編號(為千禧年之後RSMC鋪路？)，但容許其他地區繼續自行給予編號，菲律賓就係例子。

聯合颱風警報中心喺1995年因應「基地關閉與重整法案」開始撤離關島，於是有部分亞洲國家代表喺世界氣象組織颱風委員會第31屆會議(1998年)中，以此為理由，提出改革颱風命名表，以彰顯亞洲各地區嘅特色。
颱風委員會接納呢一個建議，並著手制訂新嘅命名表。

千禧年後嘅颱風命名制度-上
2000除咗迎嚟千禧年，亦迎嚟新一代嘅颱風命名表。
呢一份命名表由颱風委員會制訂，由日本氣象廳為所有喺2000年元旦之後生成、達到熱帶風暴強度嘅熱帶氣旋命名。命名表由五份名單組成，總共有140個名。每份名單分別由14個颱風委員會委員國各自提供兩個名，由所提供國家嘅英文國名順序使用，當用完140個名之後，就會回到第一個名(達維，柬埔寨提供)重新開始，至今輪迴咗三次(05、12、17年)。

下個名由澳門提供

日本所提供嘅TC名係星座名、而中國多數係神話或者動物、香港乜都有，地名、動物名、女仔名都係交合考慮之列
另外，因為台灣唔係颱風委員會成員(因為一個中國原則)冇命名同除名權(雖然CMA除咗造成八八水災嘅莫拉克名，有一個解釋係話佢一併收埋福建皮所以CMA先提出除名)。

千禧年後嘅颱風命名機制-下
上面都有提過，呢一代颱風命名嘅原委係要反映提名地區嘅特色，所以D名同提名國文化可以話係息息相關，but not a must.
例如越南所提供嘅名稱夏浪(Halong)嚟自下龍灣，而康森(Conson)就係北部一個古蹟。
至於日本就係清一色交星座名(日本國內對熱帶氣旋嘅報導都係沿用年號+編號嘅機制)
中國近年就會喺氣象台嘅社交網站page開個po畀集思廣益諗下可以畀咩名。
香港以前都有呢D嘢玩(公眾提名)，不過近年冇咗呢支歌仔唱。(其實當年公眾提名出嚟嗰兩個名交到上去畀人ban咗，原因之後講)

而為咗方便氣象機構做預報同畀傳媒報新聞，交上去嘅名要易讀同簡短，唔多於九個英文字母。

熱帶氣旋除名
既然可以交名，委員會嘅成員都可以提出將熱帶氣旋除名。
最大路嘅原因當然係造成嚴重災情而除名，
呢度需要強調一樣嘢就係颱風強度=/=災情，熱帶氣旋唔止為大地帶嚟狂風，佢嘅強降雨/風暴潮一樣可以造成嚴重災情，一樣可以死人冧樓。
基礎建設比較落後嘅國家，災情一般會比較嚴重，亦都比較多提出除名。
菲律賓前五年加埋送走11個TC名，相比之下CMA平均一年一劑，JMA00年至今只係除過2個TC名(19年，海貝思同法茜)。
菲律賓除名條件係10億披索以上經濟損失/300人以上死亡，除菲律賓自己嘅命名→除埋國際名。
而日本就係「風暴造成房屋被毀一千棟以上、房屋被淹超過一萬棟或大規模傷亡等條件，便達到「重大損害」的標準，氣象廳可以為此賦予特殊名稱供後世銘記，命名格式為「元號年＋顯著受災地域／河川名＋颱風」。」，然後19年達到呢個標準嘅兩個颱風(法茜同海貝思)國際名都除咗，所以呢個「重大損害」嘅標準都可以理解做日本嘅除名標準。
中國就係過百億人民幣經濟損失就除名，唔記得係100定500。


除咗上面提及嘅原因，都有技術性嘅除名。
交合就試過因為冇代表性嘅原因將「婷婷」同「欣欣」除名，然後交上去嗰兩個名(頭先提及嗰兩個公眾提名，分別係太極同木棉)因為喺其他語言有負面意思ban咗，然後就交咗白海豚同獅子山，兩個名就沿用至今玩咗三世。
畫眉就因為形成緯度太低(新加坡附近)太特別而畀JMA除名。
另外，原祖命名表入面嘅翰文同庫都分別畀印度(同印度教D神同名)同美國(密克羅尼西亞話不雅發音)提出除名，未出世就夭折。
彩蝶因為發音似阿拉伯話嘅先知被除名。
清松就因為馬來亞話同「海嘯」同音嚇親街坊畀佢哋要求除名。
另外，韋森特(冇錯，就係12年嗰個10仔)因為東北太平洋命名表有同名TC為免混淆被除名。
上面呢幾個就係所有因為技術性除名嘅TC名。

LMLM

越南所提供嘅名稱夏浪(Halong)嚟自下龍灣

咁點解譯做夏浪嘅

Lm

題外話，今年係氣象衛星觀測地球氣象50周年，
或者都可以開個主題，簡介氣象衛星觀測全球氣象變化、
預防氣象災害等貢獻。 🚀🌏🌀

上面更正：係氣象衛星觀測60周年至係。

番外篇：熱帶氣旋中文譯名來源
喺颱風委員會會議結束之後，中港澳嘅氣象機構會一齊討論新TC名(原本係得英文)適合嘅中文譯名。
翻譯嘅方向音譯意譯都有。
以今年嘅新TC名譯法為例：
(英文名稱：Yingxi, Co-may, Nongfa, Ragasa, Koto, Nokean)



至於冇參與風名翻譯嘅台灣，都有自己一套嘅熱帶氣旋中譯。
2013年8月之前用音譯，例如造成九一七水災嘅颱風百合當地氣象局係叫佢做納莉颱風(Nari)。之後就係用颱風名稱嘅本意做譯名，當年嘅飛燕係CWB(台灣氣象局)第一個使用意譯嘅TC。

題外話，熱帶氣旋嘅命名唔可以同商業產品有關，例如蘋果同天貓都唔得。

話說海豚呢個風名好似係當年我班主任有份提議
被接納嗰陣學校仲好開心印咗喺校內周刊

我都想知

呢幅圖點整出嚟？
1944應該未有衛星

雷達圖