常見問題 Q&A
Q&A
Q1: 讀樹仁定讀Asso/HD?
A:睇你個人嘅目標,假如唔介意未來要Chur兩年爆GPA,又或者好想入返八大,就建議Asso/HD,就算升唔返八大,入返樹仁仲有獎學金,如果想輕鬆咁過四年,舒服啲安穩咁過大學生涯就入嚟樹仁啦。
Q2: 樹仁易唔易Tran U?
A:唔太易,大家都知一般non jupas報名一月就已經deadline,而樹仁第一個sem放GPA一直係一個迷,多數係一月尾至二月嘅時間。如果想Tran U嘅,建議睇下連登嘅Non jupas 升學data。
Q3: 樹仁係咪冇Sem break?
A: 經過前幾年學生會爭取之後,樹仁嘅sembreak由三日增長到基本上兩個星期,20/21年嘅sembreak係12月25開始去到1月11日(17日),計埋早啲完exam同埋走埋開sem頭兩個星期嘅add/drop period,一個月長假飛歐洲不是夢(如果仲可以飛)。
Q4: 樹仁學費幾多?
A:20/21 入學嘅同學學費為$72190,計埋免入息審查資助計劃(NMTSS)個32100蚊嘅資助嘅學費係
$40090,而樹仁係會凍結左入學個年嘅學費,而NMTSS嘅資助金額係會年年增加,變相如果有拎NMTSS嘅同學,你嘅學費係會一年比起一年平。
Q5:屋企好撚窮但又想讀樹仁,點算?
A: 搵學資處申請Grant loan,除此之外,樹仁都有唔少經濟援助計劃,詳情可以睇
https://www.hksyu.edu/tc/admissions/undergraduate/scholarships-financial-aid/
樹仁公海都有唔少熟Grant loan嘅朋友,可以入谷問下佢地。
Q6: 今年係咪冇曬Ocamp?
聽講OSA今年唔批准所有soc舉辦Ocamp,基本上今年只有Oday同Onight。而學生會(好似)仲有Ocamp,睇之後疫情而決定仲搞唔搞Ocamp。所有soc嘅活動宣傳可以留意住樹仁公海同埋學生會嘅資訊。
Q7: 樹仁難唔難走堂?
理論上樹仁淨係可以走3份1嘅堂(33%)。而根據學校學則,走堂需要send Email比prof請假,但係我上年除左罷課個陣有Send過Email話自己唔撚上堂之外其他時間走堂冇從來send 過Email,依家都仲生存到,所以其實可以唔洗理。搵人幫手簽名,成個sem走曬都得。
點入Websims/moodle/Webmail?
Username已經比左你: 20XXXX (20係指20年入學,中間編號係學號,後面編號係第幾個入學)
Password: ABC12 (ABC係你身份證唔連括號最後3個尾數字,12係你生日日期)
密碼可以入WebSims改)
樹仁校園介紹
樹仁分別有四棟大樓,分別係
新大樓/新Hall: 研究院大樓,編號為RLB(研究院低座)、RHB(研究院高座)、RLG(研究院地下樓層),分低座同高座,低座有Pacific Coffee ,2樓有大量長枱for 傾Project用。高座除左宿舍之外,仲有唔同嘅學校部門同電腦室,而LG1係非官方嘅24小時空間,有唔少同學係個到通宵飲酒同打牌。LG樓層有鏡房、細Gym room同埋studio。
文康/舊Hall: 文康及宿舍大樓,2樓係學生會房同學生中心(soc房),一樓係新Can Donka (茶記價錢頹飯),恒生提款機,九巴優惠站。 LG1有大Gym room。
教大: 教學大樓,樹仁嘅Main Building。2樓係電腦室(網吧),5樓係執左粒嘅舊can。旁邊有35廣場,一般為學生團體進行宣傳的地方。
拉把/圖書館: 藏書區、電腦、printer同埋大量自修用座位,由於我好少去確實樓層係咩真係冇咩印象。
樹仁用語介紹
WebSims: 交學費,睇GPA,Reg科,聯絡資訊,睇Timetable都係到搞,用緊廿年前嘅網頁設計,每個sem都會上演多次Reg科大炒車。
Moodle: 用嚟download lecture notes同交assignment嘅地方。
Webmail: 學校webmail,學號@hksyu.edu.hk, 可以申請連登AC。
Veriguide:維誠,Check plagiarism嘅工具,check你份assignment有冇抄人。
GE Subject: 通識科目,大部份學生一定要係4個類別入面讀一科先可以畢業。有部份唔洗讀GE嘅同學都會走去Reg GE 因為真係太易讀。小提示,唔好讀風水 and fd,大伏。
OSA: 學生事務處,位於文康四樓,整學生八達通、整學生資助嘅地方。
註冊處:係RHB305同306,搞Reg科調班。
HMU: 宿舍管理部,位於RHB208,處理入Hall個啲野。
MB1/詢問處: 物品報失認領,申請成績表學歷證明、補領學生證,買大一國文書。
小美︰即邵美珍堂,閒時極為僻靜,每逢開學禮和畢業禮以致院校開放日均作開放。據了解,黃美珍女士乃邵逸夫的已故髮妻,而邵美珍堂是邵逸夫為紀念亡妻而命名的。
百佳:原位於賽西湖商場地下,已結業,為25及49M小巴經常作為叫落車的地標。
LG1:為研究院大樓的地下一樓,學生的社交中心,官方開放時間為上午八時至晚上十點,但實質為24小時開放。設有多個卡位及梳化,深夜時會不時舉辦麻雀及飲酒等活動,其中梳化中間圓窿為水會(酒會)期間醉酒所嘔吐的地方,所以其圓窿一直充滿嘔吐物的味道。
煙梯:研究院大樓及文康大樓的中間的樓梯,吸煙的同學會聚集在此吸煙,更會開設「煙谷」
光時梯:由巴士站到慧翠道之間的樓梯大型文宣,由樹仁文宣組製作,反覆經過多次修復及拆卸。
Hi-Bye路: 指慧翠道的行人道,因同學在路上多會遇見同學而hi-bye為名。
樹仁連儂牆: 位於慧翠道的區議會亭及後面的石屎牆,被樹仁同學用作連儂牆及活動宣傳之用。
有用連結
樹仁官網
https://www.hksyu.edu/tc/
HKSYU CSC IT Systems (有齊曬學校網上連結)
https://www4.hksyu.edu/csc/it-systems/
樹仁Telegram公海:
https://t.me/hksyuopenseachat[/quote]