4/10收貨 因為屋企冇人所以叫咗送貨司機放門口
4/10夜晚 我喂咗隻狗食呢包狗糧
5/10夜晚 發現包糧極多蟲爬緊出嚟，而且啲糧俾蟲咬過
5/10 同最佳反映 當晚收倒回覆第二日會送新貨
（我當晚掉咗包有蟲既狗糧 因為屋企冇垃圾袋裝倒12kg 而啲蟲係不停爬緊出嚟）
6/10 隻狗開始肚痾噴屎，啲屎有白色一點點
6/10 當晚收倒第二包老虎狗糧 未開 喂緊其他糧
（第二次收貨因為同司機夾唔倒時間 司機自己表示話可以擺門口 應承我一定幫我check清楚冇蟲 所以我第二次都係冇驗貨的）
7/10 帶隻狗去睇醫生 懷疑有蟲要食杜蟲藥 同埋開咗獸醫處方腸胃糧俾佢 所以我冇喂新既第二包狗糧
12/10朝早 開咗第二包狗糧 啲糧有明顯俾蟲咬既痕跡 即刻同咗最佳映 收倒既電話回覆 叫我影包狗糧既相同埋過期日子俾佢 因為我嗰日有嘢出咗門 所以冇即時影相
15/10凌晨 我按佢要求send咗相俾最佳
17/10 一直冇收倒回覆所以whatsapp問佢「我想問你哋會唔會退錢」
18/10朝早 收倒最佳回覆「下午再回覆你」但係全日冇收倒任何人聯絡
20/10朝早 終於收倒答覆「你好 抱歉遲了回覆閣下。
因換貨需即場驗收，驗收無誤不設退換。
知道閣下當日已棄掉舊貨 , 沒有換貨的程序 , 只是收貨 , 所以閣下著司機放門口 , 沒有驗收新貨。
現再發現有虫情況經公司相議後 , 可酌情為閣下處理 , 再次安排司機換貨驗收 , 但需閣下自付 $50運費。」
你包嘢有蟲 俾過機會你都仲係咁 已經對你地間嘢冇曬信心 你仲想換第三包狗糧？其實我都只係要求退錢 $619真係唔算多 都唔使你地俾埋隻狗診費藥費 唔知點解可以搞成15日都搞唔掂件事 而且你地whatsapp其實態度都唔好 點解可以搞成咁？我知自己喺呢件事有啲位都處理得唔好 例如唔應該屌包狗糧 應該堅持自己收貨驗貨 如果大家要屌希望可以屌細力啲 錢我預咗攞唔返 希望呢個post可以警世 各位主人訂寵物用品之前可以考慮清楚搵邊間先
btw原來baby condom有post都講過呢間黑店
以下附上對話圖同蟲蟲盛宴
