躁鬱症睇醫生問題

躁鬱、焦慮、失眠問題維持咗兩三年，呢排好似再嚴重咗，終於頂唔順去咗睇醫生。

我去咗睇普通診所，醫生開左10mg血清素、安眠藥、胃藥俾我，同埋寫咗轉介信俾我遲啲可以睇公立。個醫生聽完我講啲症狀，話可能偏向抑鬱多啲。

想問下血清素係針對抑鬱定躁鬱？因為我覺得自己似躁鬱多啲同埋會唔會有啲咩副作用？

聽過好多巴絲話宋永權醫生幾好，公立麻麻地，但係我又仲係學生經濟負擔唔起睇私家（好似話同佢講可以平啲？），所以掙扎緊睇公立定私家好。。。。。。

第一次求醫唔知頭唔知路有冇人可以分享下

如果係讀緊大學既話，學校社工嗰邊應該有資助俾你睇醫生

盡可能都唔好去公立

一嚟唔知排幾耐先有得睇

二嚟多數醫生都唔會有時間詳細了解你情況，傾兩三句就開藥踼你走。甚或是你open up 既時候啲醫畜會笑鳩返你轉頭

三嚟醫情緒病/精神病初期要不斷試藥，直到搵到啱你既藥為止。但覆診期咁耐既話只會影響你病情

四嚟公共開既藥無咁靚，副作用會勁啲

但如果銀包負擔唔起既話都要硬食

回應返問題先，血清素分好多種，我記得有啲藥同時醫dépression 同anxiety都得

詳細你用藥名Google都會搵到

另外你思疑自己係bipolar，你可以試下每日做情緒日記。每日紀錄當日既情緒係點，+10就係人好active情緒高漲，-10就係情緒低落。可以就寫低埋嗰日有冇咩特別原因會有呢種倩緒高低。但如果同一日有高有低，個分就唔好take average，最高同最低都紀錄曬佢。

下次覆診拎俾醫生睇

真 識人睇公家都話等好耐同hea

我都有食血清素
副作用人人都唔同 同埋睇藥靚唔靚
一開頭食藥副作用會勁啲
我個陣個人變到冇情緒咁 連隻寵物死咗都冇乜起伏
一個月之後個身體適應咗 變返正常
宜家都仲keep住嘅副作用係成日想訓+性冷感

題外話再分享多少少睇精神科醫生既野。

我anxiety都睇左私家醫生一年多啲

食藥可以減輕到病癥，等你過到日常生活。但令你有情緒問題既原因/想法係食藥都唔會改變到，at the end of the day 要靠你自己走出去。俾定心理準備你唔好期望食幾粒藥就可以解決曬所有問題。

唔該曬巴打你啲建議好詳盡，我會努力試下。

我都唔期望食藥會解決曬啲問題，所以先一路拖到而家先睇。只不過每日情緒變化太大真係太辛苦，影響埋日常生活，先試下求醫

我就係驚會成日好眼訓，唔想影響平時返學

盡量唔好去公立
你第時買保險好多野會唔包

我試過轉新藥，之後連續兩日訓到十二點，完全唔知醒返工，差啲俾人炒

血清素係其中一隻第一線藥，你depression定bipolar都係食呢隻


巴打你係長期覺得沮喪，冇動力做任何野，失眠

還是以上再加曾經有一段時間好撚興奮好多諗頭？

你講嘅兩種情況都有，甚至會一日內轉換兩三次。失眠就日日都會。

兩種狀態嘅我情況差天共地。
一時坐唔定，個腦不停轉，好想發表自己意見，搵人講野。
一時完全唔想郁，想匿喺間房，完全唔想同人交流。

我處於其中一邊嘅時候，會完全唔理解自己點解會有另一邊嘅情緒。例如好撚興奮覺得生命滿希望嗰時，會唔明自己點解有時會咁絕望咁低落。

之前女朋友同身邊朋友都講過我有時好似兩個人咁

好大機會bipolar

巴打建議搵學校counselor，食藥治標不治本，一定要兩樣一齊做

輕度可以食藥解決，但好多時身體會適應隻藥，然後醫生只會加大劑量，所以見下counselor有幫助

收到了巴打，唔該你

我之前躁鬱
但無食過血清素

你食過咩藥？

好多隻喔
開頭佢係俾抑鬱藥我食
轉左好多次藥先診斷躁鬱

咁我應該都要試一排藥先有啱嘅藥食，希望唔會有太大副作用

我睇嘅通常一兩星期會調整份量 轉藥

我而家嘅份量都係兩星期

真係要睇私家。有朋友做公立醫院精神科，根本無時間同個病人傾

我會建議除咗睇醫生，都見下心理輔導，因為了解內因先可以從根本處理。

唔洗擔心費用，學校應該有counselling 可以幫到你。又或者坊間都有好多非牟利機構幫到你 （例如賽馬會心度遊/基督教服務處）。

希望幫到你。