首先,我利個申先:我係直,唔係gay唔係bi唔係trans,純粹有時鍾意女裝打扮。
是咁的,有一排我考完dse冇野做,返緊part-time,心靈空虛,成世人完全未用過任何交友app,於是喺兼職同事介紹下,down左個Tinder,仲課埋半年金(Tinder gold)。
咁呢,我某程度上係一個偽娘,本身都試過喺cosplay場合出女性角色,化過妝,帶過假髮。當然我都有出過男角,平時出街都會注重返男性打扮。
好喇,我down完app之後,為自己改個特別嘅nickname;起完名,寫完幾行字嘅biography 之後,就當然po相啦。
相片方面,頭果兩三張係男裝相,基本上,第一張係我日常男裝嘅自拍樣,第二同第三張係我出男角cosplay時嘅樣(我都試過私影,扮過宇智波鼬)。
咁跟住後面果5張,就開始放女裝樣,就連三點式都出埋嚟。
set up講完,跟住就講經歷。
咁你都知啦,課左tinder gold 嘅話係可以睇到有邊個swipe right左自己嘅。
結果我差唔多每1至2日就有一個match,咁一個星期都最少5個match,一個月內用埋boost嘅話就唔止咁少。咁我就係一個月內有40幾個人對我swipe right。
但係呢40幾個人之中,大約三分之二係男仔,換言之,最後我match咗十幾個女仔。
我發覺Tinder上都幾多大陸人、雞、sales
呢十幾個女仔當中,又有一半係雞,兩三個係sales。即係一個月內真正長傾嘅得兩三個女仔。
約炮同sales雞係傾唔夠兩句就問人攞wts呢點唔多講。我最想講係,玩耐咗,意外俾我發現一件事:99%嘅sales雞/fwb/ons,佢哋好似只係睇到我頭3張嘅男裝相,佢哋好似選擇性失明咁,睇唔到我後面5張嘅女裝相。


就算可能我好快就交wts俾人都好,從我同呢班女仔之間嘅談話,我可以感知到呢一點事實,從而明辦邊D女仔係真心識人吹水,邊D女仔係sales雞。要分辨大陸人就更加係易如反掌。
結論:原來D sales/騙子/雞,係唔會認真睇你相片同biography.
我而家已經係大學year 1,準備del app,喺U認真識朋友算。

