(講故台)我同TB交換咗身體!?
蘭若生春夏
59
回覆
31 Like
5 Dislike
第 1 頁
第 2 頁
第 3 頁
蘭若生春夏
2021-10-18 21:07:46
請用不推文回覆
紙言:
https://www.shikoto.com/articles/214936.html
簡介:中學嘅時候,因為一次普通嘅意外,竟然導致我同班上嘅一位女同學交換咗身體!?係不斷尋找換返嚟嘅方法嘅路上,仲發生咗好多原本想像唔到嘅事……
拖咗成年,有無人睇都好頭好尾寫埋佢……
幽靈社員
2021-10-18 21:12:34
160冇希望
2021-10-18 21:20:33
少甜唔見咗
支那追擊手
2021-10-18 21:21:17
Lm!!!!
萊斯特洪峰
2021-10-18 21:22:24
想知紙言個故係咪改咗少少
山區兒童窩巴
2021-10-18 21:25:05
新po留名
十三太保之蓋世保
2021-10-18 22:46:18
要甜
希特拉登
2021-10-18 23:37:41
屯門阿伯
2021-10-18 23:43:27
蘭若生春夏
2021-10-19 00:39:21
差非常遠,不過最終都係會接得返,所以我唔再Post係度……
食你老豆條賓周
2021-10-19 16:02:57
樓豬唔知受咗咩刺激,對女人冇興趣啦已經
十三太保之蓋世保
2021-10-19 17:30:19
未寫到啫
三J萬能俠
2021-10-19 19:20:48
留名
160冇希望
2021-10-19 21:43:38
山區兒童窩巴
2021-10-20 01:15:26
推推
新手初心者
2021-10-20 14:10:01
再推一推
山區兒童窩巴
2021-10-20 17:48:46
推推
山區兒童窩巴
2021-10-20 17:49:06
西瓜ready
蘭若生春夏
2021-10-20 18:03:17
不如我係度都貼一次,開POST又無文好奇怪
而且越寫同當初嘅差異越大
蘭若生春夏
2021-10-20 18:03:49
1. 因為願望
係我仲讀緊中學嗰陣,班上有個咁嘅同學。
佢叫黃雪怡,係個短髮剷青嘅男仔頭,日常帶住副厚框嘅黑色眼鏡,皮膚唔算白,淺淺地嘅小麥色,佢身高同我差唔多,但係身型明顯偏瘦。
一年四季都係著住PE衫返嚟嘅佢似乎唔鍾意著裙,當然呢個只係我嘅推測,因為佢係班上真係好安靜,而我又係有社交問題嘅毒男,毫不誇張,我同佢傾過嘅計夾埋都唔夠十句。
總而言之,無論點諗佢都唔會係同我有咩交集嘅人嚟……當然,直到嗰日,我同佢發生咗件咁嘅事——
中午係出面食完飯,仲未到學校大門,已經聽到球場上嘅人係度呯呯嘭嘭,一直以嚟我都好佩服佢地咁有精力,因為從細到大我對任何運動都完全無興趣,午息當然係要瞓返個懶覺。
行入學校大門,仲要再沿住球場邊先有樓梯返上課室,不經意咁抬頭向前一望,發現原來阿怡一直都係我前面,距離只不過係差唔夠兩步。
就係呢一刻,球場上打緊波嗰幾個男仔突然大嗌:「喂,睇住啊!」
我驟眼一望,有個籃球從球場飛緊埋阿怡嘅方向,眼見就快打到佢,但佢好似根本聽唔到。
所以係嗰幾毫秒之間,我決定——衝向前面,雙手握住佢嘅膊頭,將佢向後一拉,個波啱啱好只係從我地身邊擦過。
我以為自己嚟咗個英雄救美,結果自己根本都企唔穩,兩個人一齊向後跌,我屁股率先落地,然後再訓咗係地下,阿怡當然都順勢壓咗係我身上,但佢咁輕對我嚟講根本冇咩事。
但係……我明明又無撼到頭,點解會覺得暈暈地?我嘅意識越嚟越弱,最後就暈咗過去……
迷迷糊糊咁擘大對眼,第一眼望到嘅係陌生嘅白色天花同光管,牆身同櫃都係白雪雪,我意識到自己已經嚟咗醫療室。
我暈陀陀咁想撐起自己,左手就傳嚟一陣刺痛感,點解用唔到力嘅?我摸咗摸,手踭好似撼到瘀咗一忽,但我唔記得頭先有撞到手臂。
更離奇嘅係我手臂唔知點解幼咗一圈,而且心口傳嚟一種繃緊嘅感覺,畀唔知咩包實咗咁,本來身上嘅白色校服換咗做灰色嘅PE衫。
我越嚟越覺得唔對路,手開始係身上東摸西摸,好快我察覺到,無論係手、腰定係面,都完全唔係平時嘅手感嚟,我到底發生咗咩事,唔通我仲發緊夢?
「你摸夠未呢?」正當係我想再確認一下嘅時候,一把陌生又有啲熟悉嘅男聲同樣係間房傳出。
我嚇咗一跳,向聲音方向一望,穿過中間幾層半開嘅純白色嘅布簾,隱約見到一個身影,佢似係坐咗係床邊,橋住對手,正面咁望住我,就好似一早等緊我醒一樣。
只不過佢個樣有啲模糊,我睇唔清楚係邊個,係識嘅人?唔得……點解我而家望少少距離嘅嘢都變到咁矇。
佢好似知我睇唔清楚咁:「你右手個櫃,面頭有副眼鏡。」
咩眼鏡?我又無近視,點解要我戴眼鏡,不過我仍然照佢指示咁做,拎起副眼鏡,動作有少少笨拙咁掛上耳仔,一瞬間,原本模模糊糊嘅遠景突然變得清晰。
但係唔戴由自可,戴上眼鏡之後,先發現原來呢個同我講緊嘢嘅人……竟然係我!
蘭若生春夏
2021-10-20 18:04:42
2. 追究
「你你你你你係邊個!?」我嚇到口都窒埋咁講,個人慢慢咁退去牆邊。
點解……點解眼前會有一個同我一模一樣嘅人㗎?仲要識講嘢,識自己郁?我無理由會眼花㗎,呢個人無論髮型、面部,到全身睇嚟都百份之百係我無錯,唔通佢係複製人?
睇到我咁大反應,佢露出有啲唔耐煩嘅表情:「你話呢?」
等陣……黃雪怡呢?我地兩個頭先唔係一齊瞓咗係地嘅咩?定係佢無事走咗?我左顧右望,成個醫療室都無其它人係度,如果話「我」本人就係前面嘅話,咁我而家係邊個?唔通我而家係……我突然恍然大悟,然後又將對手放上繃緊又平坦嘅胸前確認一下。
「你仲摸?」見我咁做之後,佢把聲開始帶有少少怒氣。
「係!對唔住!」我立即舉起雙手。
今次聽得好清楚,我而家講嘢係一把好清澈嘅女聲,唔通係因為頭先嘅原因,導致我同佢交換咗身體,唔會掛?有冇搞錯,而家又係拍電影……定係漫畫,現實邊有可能發生啲咁嘅事。
「你醒咗幾耐?我地點解會變到咁㗎?」我慌張咁問佢。
佢冷淡咁回應:「係得你自已係度瞓咁耐,仲要我由操場拖埋你入嚟。」
我……真係變咗做黃雪怡?咁我而家係點嘅樣?我望咗望雙手,手指明顯比我原本幼細得多,雖然稍微有啲晒黑,但好明顯睇得出係女仔對手嚟,然後……我夾埋咗大脾,用力感受下,條J好似真係消失咗,下胯只係得返一遍空虛感。
係我仲左望右望嘅時候,佢唔知幾時已經行到埋嚟我面前一言不發。
「你想……做咩?」
我話音未落,突然就被人推低係床上,然後佢再將上身壓咗上嚟,同時鎖住我對雙手,再用住銳利嘅眼神同我雙目對視。
突如奇來嘅舉動嚇到我完全唔敢郁,亦都郁唔到,乜我有咁大力嘅咩,呢個人明明係同我一模一樣,點解可以有咁大壓迫感。
我只可以瞪大對眼,眼神有啲飄移唔敢同佢直視,勉勉強強吐出幾個字:「你捉住我做乜……哎呀!」
額頭忽然傳嚟巨大嘅痛楚,衝擊大到連我啱啱戴上嘅眼鏡都飛甩埋,佢唔通諗住學電影咁撞一撞就可以換返去?
我對手仍然未被鬆開,而家點算好?
係佢準備第二次撞埋嚟之際,我好似啓動咗某種保護機制咁,既然手郁唔到,就唯有用腳,所以我靜後時機,然後大大力咁一腳伸咗落佢下面。
「呀!!!!」聽到一聲慘叫之後,佢終於從我身上移開。
我一邊捽住額頭一邊坐起身,只見到阿怡佢上身趴咗係對面床上,雙手㩒住下面,痛苦咁低聲哼住,我當然想像得到有幾痛,甚至可以話痛在我身,但係鬼叫你捉住我……
我行埋去拍下佢背脊:「喂,你點啊……」
無幾耐佢就恢復咗,擰轉頭過嚟嘅時候眼神好似充滿住殺氣,上前捉實我雙臂用力搖:「你睇你做咗咩好事?」
「好痛!」佢啱啱好握住咗我撞傷嘅手踭:「對唔住,我無心踢㗎。」
「我係講你搞到我地而家咁,你話點算,點解無啦啦拉我落地。」佢繼續搖得更大力。
「我見到你……差啲畀個波打到……」我忍住痛同佢講。
「你覺得畀個波打一打到嚴重啲,定係而家咁嚴重啲?」佢繼續追究,怒火完全平息唔到。
「我……」我諗咗諗,實在無咩藉口可以駁落去,唯有委屈咁捽住自己手踭。
我都唔知點解會咁,邊個諗得到會發生啲咁嘅事,一齊跌親咋喎,咁就交換咗?我仲未係接受到現實竟然會發生啲咁嘅事。
「嘖……點會搞成咁㗎……」眼見就到上堂時間,阿怡似乎覺得繼續向我發洩都無用,停止咗向我嘅責鬧,只係不停來回咁渡步。
雖然睇落佢仲未嬲完,但已經比頭先理智咗少少,我只係繼續坐係床邊,廢事又辣著佢,間中偷偷向上望。
佢忽然間停低咗,好似諗通咗啲咩咁向我講:「喂,你聽住!」
蘭若生春夏
2021-10-20 18:05:33
3. 化危為機
我地襯午息完結之前上返課室,就當咩事都無發生過咁,可以咩?當然唔得,成個下午我都處於慌慌張張嘅狀態,總係好唔自在。
而家呢個情況根本無心機聽書,我只係時不時望向阿怡度,佢同我形成鮮明嘅對比,就好似咩事都無發生咁,氣定神閒。
希望真係如佢所講,扮咩事都無發生,係放學前可以諗出啲咩好辦法。
「叮咚叮咚~」放學鐘聲響起,其它同學一哄而散,但平時雀躍嘅我今日根本開心唔嚟。
我望向阿怡,佢已經好有效率咁執好晒嘢,向我做咗個手勢,示意我落樓下。
我地搵咗個角落頭,比較少人經過嘅座位坐低。屁股都未坐暖,佢已經直接開口:「我決定啦,今日就咁算,你代我返屋企啦,我去你度。」
「下……」我唔敢相信自己對耳仔,「就……就咁返去?」
佢嘅表情真係無一絲猶豫,呢個人咁從容嘅咩?發生啲咁嘅事竟然諗住返屋企先算?
我抱住咁嘅疑問向佢追問:「但係……你唔係話會搵到方法咩,我地就咁直接返去?」
「有咩方法?頭先我地已經試過一次唔得㗎啦,定係你又再想踢一腳?」佢似乎仲恨記住頭先嘅事,想大聲鬧但係又驚被人聽到。
「唔係……」我只敢細細聲應佢。
「總之我已決定咗,你唔好再煩,話我聽你屋企有咩人。」
我好似根本無發言權。
我有啲唔情願咁同佢交換情報,暫時嚟講屋企只有我阿媽一個,但係佢一般收工都已經好夜,所以對佢嚟講無咩要注意。但問題在於我,因為佢屋企除咗有阿爸阿媽之餘,竟然仲有一個細佬。
「你唔好多口就得,佢地講咩都洗理佢地。」阿怡一面唔在乎嘅樣咁同我講。
「喔……」
講係咁講,但我真係無乜信心,住埋一齊咁耐嘅人點可能睇唔出唔妥,更何況我份人容易緊張之餘又易亂。
突然間阿怡扯住咗我嘅衣領,咬牙切齒咁用住威脅嘅語氣同我講:「我警告你,我知你啲男人諗緊乜,去廁所同沖涼嗰陣唔好手多,唔好以為我唔會知,如果唔係……」講完右手就握做一個拳頭。
我緊張咁吞咗啖口水,瘋狂咁點頭:「聽……聽到啦,放開我。」
佢點會知我做咗咩?唔通有攝錄機?如果佢亂嚟會點?唔通除晒衫周街走令我社會性死亡?
我一直都唔知阿怡係個點嘅人,但而家知道啦,至少佢一啲都唔Nice,如果早知係咁,下午就嗰時我就唔好咁多事。
「各位同學,而家已經係6點30分,係無老師嘅陪同下,請盡快……」不知不覺已經傾到黃昏,學校甚至都開咪廣播趕人走,聽到呢聲廣播阿怡先慢慢鬆開我衣領,我地無辧法再留係度,唯有離開學校。
「行啦,跟住我嚟。」佢一邊膊頭孭起書包之後同我講,我唯有乖乖地跟住。
踏出學校門口,咁耐以嚟第一次向住屋企嘅反方向行,好彩我地至少都住係學校呢條邨,唔洗好耐我終於行到佢屋企嘅樓下。
「係呢度,你返上去啦。」佢用命令嘅語氣講。
「喔……」我行向大門。
同佢擦身嗰刻,佢突然捉住咗我,手腕畀佢用力咁壓到實,真係好痛,唔明點解佢下下都咁大力。
「你記住我講嘅嘢。」
「得啦……我知道啦。」
蘭若生春夏
2021-10-20 18:06:03
4. 陌生夜(上)
電梯嘅樓層一路向上,我嘅心情就一路向下,半日之間,我竟然變成咗其它人,仲要係咩都冇準備嘅情況下代佢返屋企。
畀著平時,我人已經係屋企,攤緊係電腦前開心咁打緊機,何必搞成而家咁。
嚟到阿怡屋企門前,呢刻覺得自己好似係賊咁,夜晚晚係人地門口屋企,拎住人地條鎖匙。
再諗落去都無用,我決定船到橋頭自然直,鼓起勇氣推開大門,推開之後,一入眼嘅就係明亮嘅客廳,淺色的木地板同牆身,同埋大大張嘅梳化,裝修簡潔又執得企理。
但幾靚都好,對我嚟講都係好陌生,但係,點解咁靜嘅呢,啲人去晒邊?我無記錯嘅話,佢間房應該係左手第二對門,於是我攝手攝腳咁慢慢行去走廊。
當我就快行到嘅時候,對面門突然咔嚓一聲,一個高我成半個頭嘅男仔行咗出嚟,個樣仲特別成熟,唔通……佢就係阿怡嘅細佬?有冇搞錯,你話佢係大學生我都信……
正好呢刻我跨緊一個大步,細佬望住我古怪嘅動作,皺咗一下眉:「你搞咩?」
「無呀,我……我……」我完全無心理準備會被人望到,腦海中一隻字都諗唔出。
係啦,入咗房先講,我深呼吸一下,扮作冷靜咁話:「無呀,我返房咋。」
然後就迅速背對住佢,唔想畀佢發現我咁緊張嘅表情。
正當我扭開門柄嘅時候,佢突然又出聲:「係喎。」
「做咩?」佢又想點?我緩慢咁轉過身。
「佢兩個今晚去咗飲,我地叫外賣,你要咩?」
原來係咁,難怪咁安靜,即係而家間屋得返佢一個啦?我就唔信我應付唔嚟呢個𡃁仔,我隨口就答佢:「咁……Pizza啦。」
之後我就快速咁呯埋對門。
呼~終於嚟到可以獨處嘅環境,我背脊貼住門咁抖咗一大啖氣。
打開燈之後,阿怡間房一眼就望得晒,雖然都幾細,但啲嘢執得好整齊,相較之下我係個成日會將啲嘢周圍掟嘅人。
房嘅闊度啱啱好放得入一張床,而書枱就貼係床頭隔離,當然佢係無電腦,書枱上得啲書、枱燈,同一個相架。
我埋去八卦下,上面係佢同一個女仔嘅合照,個女仔笑得好可愛,阿怡都好罕有咁有啲笑容。
佢係邊個嚟呢?我有少少好奇。更重要係而家有咩做?係細細嘅一間房,又無電腦。
因為今日發生咗咁多事同頭先嘅關係,個身出咗唔少汗,特別係心口同背脊,入面仲著住件唔知乜嘢,而家成身都痴淋淋咁,真係好想沖返個涼。
諗起今日阿怡嘅警告,佢叫我唔好手多啫,即係默認可以……
我不停咁用藉口說服自己,其實內心深處嘅狼性慢慢露現。
蘭若生春夏
2021-10-20 18:06:37
5. 陌生夜(下)
我輕輕打開少少對門,只係探個頭出去望,客廳仍然無任何人,對面嘅房門底下透出咗少少光,我諗細佬應該返咗入房啦?
於是我拎埋毛巾,迅速咁轉個身衝入廁所,再鎖起對門。
嚇死我!轉過身之後係一面超大嘅鏡,我完全未適應到鏡入面出現嘅唔係平時嘅自己,仲以為廁所有人。
除低眼鏡後,我先真正第一次睇清楚阿怡嘅樣,佢嘅五官相當精緻……
自然整齊嘅一字眉尾,雙眼皮同長長嘅眼睫毛襯托出雙眼,個鼻叫做高挺,用力合埋個口嘅時候,塊面仲出現兩個唔明顯嘅小酒凹,雖然同剷短晒嘅男仔頭好唔吻合,但絕對稱得上係靚女……
當我意識呢件事之後,我本來平靜嘅心跳慢慢開始加速,我再咁除落去真係得?但係……唔嚟都嚟咗呢一步。
我一鼓作氣咁除低件衫,出現嘅係一件全黑色嘅背心,佢嘅貼身程度有啲誇張,原來就係搞到咁熱嘅原因。
最後我拉高件背心嘅時候,繃緊嘅胸口突然間放鬆咗,呼吸亦都變得順暢,然後意想唔到嘅事就發生咗……出現係我眼前嘅,係兩團又白又圓嘅肉。
咩話……佢竟然唔係平胸!?呢件黑色嘅背心係咩嚟㗎?竟然可以隱藏到咁嘅程度?
對胸嘅形狀又圓又標準,而且胸口係最無機會曬到嘅地方,所以佢比起其它地方顯得更加雪白,上面兩點粉紅更顯眼。
我上手揉咗兩揉,從來都無諗過原來女仔個胸係咁柔軟,而且勁滑,唔係肌肉嚟嘅咩?唔係挺身嘅咩?點解可以隨便搓圓㩒扁……
我感覺到塊面熱到可以煎蛋嘅程度,果然,鏡入面阿怡嘅樣已經紅到好明顯,連耳仔都充滿咗血,顯得好似一個普通女仔咁羞澀。
呼吸越嚟越急速,甚至已經喘起嚟,心卜卜卜卜咁跳唔停,我發現自已唔可以再咁望落去,我隨時會暈低都唔奇,所以即刻衝去花灑底下,將凍水開到最大。
估唔到睇到佢嘅裸體令到我超級緊張,就算凍水一直淋落個頭,但我依然冷靜唔到落嚟,沖涼時候手唔敢係身上嘅肌膚停留多一秒……
全程心跳加速咁沖完之後,我盲摸摸咁一手笠返件衫,先至敢打返開對眼,係充滿水氣嘅鏡入面,我望到濕笠笠嘅頭髮掛住頭上,上衣隱藏唔住胸前嘅立體感……
夠啦!再望落去心臟真係會負荷唔到,我立即擰轉身,離開廁所。
返入房之後,我雙手掩面趴上床度,塊面仍然未降到溫,非常辣手,好似發燒一樣,真係估唔到自已咁無用……只不過係望,乜都無做都可以緊張到咁……
細佬突然敲咗兩下我對門:「到咗啦。」
好唔容易咁調整咗一下心情,就當頭先咩事都無發生咁行咗出去。
我地兩個坐係係飯檯旁邊,全程都好安靜,氣氛好尷尬,一直以嚟,我係屋企唯一一個男人,所以細佬嘅存在所以令到我好唔習慣。
我亦好緊張萬一佢問我問題嘅話,我應該點答,阿怡根本咩準備都冇畀我,就咁就推咗我上嚟。
我只係一直低住頭咁一啖啖咁咬,頭幾乎都無抬起過,慶幸佢根本都無同我講嘢,似乎佢兩個嘅關係好陌生咁。
係食到第二塊嘅時候,我個胃已經飽爆炸,明明之前仲可以食第三塊。
我趁細佬未出聲快步行入房,攤係床上,聞住枕頭上唔熟悉嘅氣味,開始諗緊唔知阿怡嗰邊點呢?順唔順利?我阿媽應該仲未返屋企先啱。
但係……食飽真係好快想瞓,我眼皮越嚟越支撐唔不住,希望住呢一切都係惡夢,就咁進入夢鄉……
蘭若生春夏
2021-10-20 18:07:15
6. 百合
朝早嘅陽光不停從窗邊照入嚟,我用力咁爬起身,一開眼發現自已仍然係呢個陌生嘅地方。
坐起身後仍然望得到胸前嘅兩座山,微微咁感受到重力嘅拉扯,但係經過尋日同加上啱啱起身嘅疲倦感,我對呢兩舊嘢完全無興趣,只係覺得好攰好攰。
點解會咁㗎,咁離奇嘅事竟然唔係夢……
清醒少少之後,隱約聽到客廳嘅動靜比尋日大,我估係阿怡嘅爸爸媽媽係度嘅關係,我索性換好晒衫,著好埋件束胸,一陣呼吸困難嘅感覺又湧咗上嚟。
客廳無其他人,只係得阿怡媽媽係廚房忙緊,飯枱仲有一份煎蛋多士同牛奶係度,好似係留低畀我。
我盡量輕力咁拉開張櫈,但都係畀佢聽到,突然就回頭望咗我一眼,我仲未嚟得切反應,跟住佢又擰返返去。
我唔係好明佢做乜,只係淨淨地坐低咁食早餐,尷尬嘅氣氛比尋晚有過之而無不及,大家都一言不發,佢兩個關係係咪有啲唔好?都係唔出聲為妙。
趕到返到學校嘅時候已經係唔算早,只係差五分鐘就遲到,但仍然仲見到自己個位係空嘅,佢到底搞咩㗎,就快遲到啦。我等啊等,終於,直到最後一分鐘佢先施施然咁行入嚟。
放學嘅時候我地依然去到嗰張好少人經過嘅檯傾,我好心急想問佢好多嘢,好多尋日根本乜都唔知嘅嘢,尋晚到點樣呢?我阿媽有冇覺得唔妥?有冇諗到交換嘅方法?
我一句都未問到,阿怡已經搶先同我講:「你尋晚有冇手多多?」
「無……無無無。」我有啲心虛咁答。
佢皺咗皺眉,好似唔想深究落去:「今日唔講其它,你去代替我見一個人先。」
「下……見人?唔可以……遲啲咩?」我好訝異竟然要處理咗呢件事先。
「唔可以。」佢好決斷咁答。
「咁……係邊個嚟?」我好奇到底邊個人要去到咁心急見。
佢眼神有啲閃避,稍為停頓咗一下,先至開口:「我女朋友。」
「咩話?你有女朋友?」
佢皺咗皺眉,然後有啲嬲嬲地咁向我問:「做咩?你有意見?」
「唔係咁嘅意思……我意思係……我點代替你同佢約會……」我係諗我一個毒男何德可能。
「今日唔係約會,只係有啲嘢要傾。」佢先係死氣沈沈咁講,然後突然轉返做威脅嘅語氣:「而且我會全程係後面跟住,只要你隻手放錯位少少……」
「唔會唔會!我絕對唔會!」我怕咗佢,用力搖頭。
放學我聽佢吩咐嚟到約好嘅地方,阿怡就係附近監視住,等咗無幾耐,一個著住其它校服嘅學生妹向我方向行緊過嚟。
唔通係佢?佢綁住一條曲曲長長嘅馬尾,係個好可愛嘅女仔,只係我覺得至好似係邊度見過咁,有啲面善……
「怡,一段時間無見……」佢用甜美嘅聲音溫柔咁打招呼。
「啊,唔係啊。」我盡力掩飾住自己嘅緊張咁答。
我忽然記得佢係邊個!佢係……佢係相入面同阿怡合照個女仔!
「嚟,我地去公園嗰邊先。」佢緩緩咁拖住我隻手,手心即時傳嚟佢嘅體溫,我個心突然小鹿亂撞,畢竟我咁大個人都係第一次拖到其它女仔嘅手,就算唔洗望,我都好似感受到阿怡嘅怒火。
但唔知係咪我錯覺,雖然佢係拖住我隻手無錯,但點解硬係有一種保持住距離嘅感覺。
我地去到公園嘅長椅坐低,女朋友一直都無出聲講嘢,只係一直握住我隻手,本來有少少享受嘅我開始覺得氣氛有啲唔妥。
直到佢終於開口:「我諗你都知道……但我只係想講……一直以嚟……都好多謝你……我好開心。」
佢吞吞吐吐講呢番說話嘅時候,頭係低住,好似有啲唔敢望我。
「只不過,我覺得都差唔多啦……好似之前我講嘅咁……你話係咪?」
「好對唔住!」佢突然鬆開咗一直握住我嘅手,好似電視劇女主角一樣咁跑走咗。
就係咁?我全程都無講過乜嘢,佢嘅意思係咪分手?我係咪應該代阿怡追上去?
「怡~!怡~!黃雪怡?」佢應該係附近無錯,我細聲咁呼喚佢,但係完全無回應。
我行開兩步,發現佢係草叢後面另一張長椅上,眼框睇起嚟已經紅紅地。
「我係咪要追上去?」我做好預備跑嘅動作問。
「唔駛……」佢有氣無力咁講,聲量係幾日我聽過最細,幾乎要靠埋耳仔先聽到。
我有啲唔知點算好,唯有上前關心佢:「你見點樣……」
佢伸手示意我唔好過去:「今日……你返去先,我想靜下。」
我仍然擔心咁問:「唔係喎,你咁樣……」
「我話我想靜下!」佢瞬間對住我發火,聲量係呢幾日我聽過最大,幾乎響徹咗成個公園。
我畀自己咁宏亮嘅聲線嚇親咗一下,但仍然伸出右手想安撫下佢,結果佢一手就將我推開:「走開!」
我一個企唔穩,屁股又落地,已經係第二次啦。
佢快速咁跑走咗,當我起返身嘅時候已經想追都追佢唔到。
第 1 頁
第 2 頁
第 3 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞