有冇人祖屋喺廢村想重新復興番？

有冇去過地政查吓

用政府app
Mymaphk
好似搵到

幫你推推

以廢村黎講
呢個位算方便

你呢個位裝修冇你想像中咁貴， 條村附近下面有個碼頭仔可以送料上去， 仲有呢個位週不時都有人行嘅， 唔會好荒涼

平安回家，有影相，但好攰同埋打完喱段要做公司嘢喇，聽日先放相。

簡單嚟講就係爆唔到落咁深入，記憶中嘅路冇咗，好嘅係咁應該冇路落到去即係應該冇人霸到間屋住，壞嘅係我自己都落唔到去

詳情：

入口行落30米左右都基本有路行到，跟住就睇唔出明顯嘅路痕。

記憶中係要係咁落去向海嘅方向落落落，咁先會去到我阿爺間屋。我阿爺住嗰道唔係安聯村主村落嘅位置（我爺生前好孤僻所以揀啲咁嘅自閉位置唔奇），同其他安聯村嘅屋有主路連結唔同，我記憶中我阿爺間屋附近係完全冇鄰居冇其他屋，而且佢嗰道好落，比較近海，主路段落佢間屋段路其實好斜，啲梯級好多係自己用石砌，所以相信幾十幾年嚟打風落雨有塌泥嗰啲，有好大部分落去嘅路已經消失咗。

結論：要由以前嘅入口去阿爺間屋應該係冇可能，諗緊由安聯村主村落搵一啲keep得好啲嘅路徑向海皮方向落到咁上下先再搵方法爆過去阿爺間屋嘅方向。

另外仲有個諗法，記得細個老豆會喺阿爺間屋側邊行落去海皮釣魚（應該係行十分鐘左右就會落到去），而嗰個釣魚位係有一個似碼頭又唔係碼頭嘅位，我諗緊喺將軍澳/清水灣半島嗰邊搵街渡搭去嗰道（估計有人做喱啲生意？車人出去釣魚嗰啲），由海皮爆番上屋嗰邊。

聽日放啲相畀大家睇下

爆林前養隻唐狗幫你去看園林，冇人可以比動物嘅嗅覺靈敏更有效率 老遠知有人隻狗已經吠

有無諗過出動航拍？

安聯村仲有人. 去問下

我覺得我見到你講間屋

留名跟進

LM

lm 祝樓主成功

政府個地理資訊地圖幾清楚的，有畫埋D寮屋出黎，可以睇下個地圖有無你間祖屋，同埋有無路去。

有LOT？

用地政GeoInfo Map 睇樓主圈出嚟嘅位置係無private lot
網上資料有提到安聯村一帶係70年代左右建村 個陣唔少係政府地上面起寮屋或者係牌照屋
寮屋或者牌照屋一樣要交差餉 /牌照費 同埋交差餉係唔代表擁有業權/構築物有合法地位

大家畀嘅意見都好有用啊，我噚日跟大家提議咁用政府地理資訊再睇，發現自己原本估計間屋嘅位置應該係有偏差，然後喺政府個地圖道搵到有個位比較有可能係阿爺間屋，所以要再圈過個地圖喇

至於睇契，本身我其實好傻好天真地想自己搞掂再畀個surprise屋企人的（即係爆好晒條路執番基本有間屋咁再帶屋企人去睇），所以開初冇諗住問佢哋攞契嚟睇。

但而家實際執行都幾多問題，所以似乎都係要行喱一步。嚟緊可能再去探多次，用新locate嘅位置嚟參考，睇下可唔可以喺另一條山路通到過去，起碼locate到間屋望到係喺邊，再搞之後嘅嘢。

入口，喱個係我同屋企人斬完草後嘅樣


有石碑刻咗當年捐錢起路嘅人名同金額
1979捐7萬幾蚊，當年嚟講都好多錢下
雖然好舊，但啲字其實都可以幾清楚睇到
同埋喺個石碑道可以睇到村名係安聯村
但下款係寫流水坑安聯村互助委員會
而我細個一路都係叫阿爺屋企做流水坑
而家咁樣睇相信流水坑係地名
安聯村係村名？


開段係咁，有啲塌樹塌竹但條路都好清晰嘅


入口行落20-30米左右見到有廢屋，根據旁邊嘅標示，似乎係政府屋嚟，但唔知咩原因廢棄咗
小插曲係行到喱個位時有個目測50-60歲嘅阿叔行上嚟，衣着似係住嗰頭，污糟有異味，形跡有些少可疑，大家冇交流，我哋退埋側邊畀佢過去上樓梯，由於佢上去個位就係我哋入口嗰道，相信嗰條路係有其他村民用，亦解釋到點解喱20-30米咁易行，但之後完全搵唔番記憶中嘅路。


一路行我屋企人勁嬲，因為成個林都係垃圾，好明顯係有啲仆街特登帶一大堆廢物過嚟喱邊棄置，有廁所有床褥乜春都有，屋企人本身係熱愛大自然撚，所以見到有人咁樣掉有毒膠仲有好多唔同廢料佢即刻躁咗


後面段路我哋冇乜影相了，因為就係一堆草咁，望落去係冇路嘅斜坡，真係要落去嘅話要sir落去，sir咗落去都唔知點樣上番嚟，我哋橫向咁爆咗一段路都係冇發現到再落去嘅路，就上番去入口離開


上番大路後我哋沿住大路行，離入口大約80米有道閘，裝入去似係有人住，離遠睇打理得似乎幾好。

有機會有南亞人霸左

LM

攞個航拍機飛埋去睇下？