英國《太陽報》爆料,指曼聯球星C朗對於上輪英超對愛華頓「被休息」,感到不滿,並向領隊蘇斯克查提出,要求每場英超都要踢正選,有信心自己體能充沛,唔需要輪休。
一位曼聯內部人士話:「C朗對於做後備感到非常失望,蘇斯克查認為佢踢完歐聯對維拉利爾之後會感到疲累,所以安排佢後備上陣對愛華頓,但C朗同蘇斯克查講,如果自己覺得唔適合比賽,就會主動提出,否則每場聯賽都要踢正選,C朗仲話重返曼聯係為咗捧盃,每場比賽都應該強陣出擊。」
曼聯上場英超被愛華頓逼和1比1之後,已經連續2場聯賽失分,又難怪C朗咁躁。事實上,曼聯傳奇主帥費格遜都認為蘇斯克查上場英超唔應該收起C朗,蘇B受壓力之下,睇怕以後都唔敢輕舉妄動。
牙朗冇黎係好事定壞事