岩岩剝完智慧齒

講番岩岩搞左成個鐘，今次剝一邊上下，上邊個隻蛀左要剝，可以直剝。下邊個隻打橫生左係肉入面，露左dd咁大把，好怕醜，要開刀d牙肉再剝。

醫生話剝最難個隻先，講完一堆手術聲明，一開波食完消炎止痛藥，打左幾支麻醉針，等左10分鐘再打多兩次，已經無感覺，助護幫手吸口水，牙醫係咁鑽，鑽左9個字，聞到燒焊味，搞左大半個鐘，醫生想剝但剝唔到咁，再鑽，搞多10分鐘終於剝到下邊個隻，再縫堆線。上面個隻極速打左2支針再鑽，5分鐘搞掂。

完左成個口好腥，好似話只可飲野唔可以吐口水刷牙。兩個鐘後塊面開始痛，預備左雪糕同藥，一陣食。

剝完大家係咪幾日都食唔到野？

下星期拆線。再準備round 2

啲線唔係自己溶

因為你無搵鄧幹耀

我開刀剝完粒幾鐘已經食腸仔包
痛唔一定傷口痛
口部肌肉最痛 食止痛藥都無用

口部肌肉宜家係痺同陰痛

唔多似係

宜家個口係咁出血

今次右邊下次左邊

牙醫話兩邊開刀食唔到野

成個過程最痛係打麻醉針

早上星期剝咗
過去呢個星期口部肌肉好痛，之後先傷口痛

痛楚度按日數係3>4>3>5>4>3

頭一日麻醉藥加充足藥物無咁痛
之後2日腫晒嚟料，但第三日好過第二日
第四日開始有消腫跡象，但係藥已經用晒，半夜痛醒要食panadol，之後嗰日都係

第六七日尚算可以正常食嘢

以後一個月會出一次血
要適應

些牙下我經驗，排威爾斯排咗兩年，醫生係年紀比較老的，一去到講兩句風險，跟住就落藥，落完藥之後去拎咗藥籌，make埋下次覆診appointment就等叫名入去。

再入去醫生會test下有無感覺，大致ok喇就開始，首先剝上面先，佢應該係用舊野鉗住之後撬，依隻我有些少感覺，大概撬咗兩分鐘就下隻。

下面個隻佢整左一陣跟住搵野鑽，完全無感覺，前前後後依隻用左十五至二十分鐘左右，之後縫完針講解下注意事項就可以排隊拎藥。

我做個時係十點幾，十二點幾已經開始痛，即刻係車啪止痛藥，算有用，但點零兩點係幾痛，痛到諗唔到嘢咁，返屋企攰攰地就訓咗，訓下醒下，到七點幾已經唔食止痛藥都無感覺。

依家第二日，面有啲腫但無痛無血，食到固體嘢，不過用單邊咬，十日後拆線，輕鬆

食1~2日粥
大後日可以正常食野

我自己係咁

我兩年前用溶線自己溶 唔洗拆線