全女班嘅《全民造星IV》定11月1日起播出，TVB目前正製作破格真人騷《仔仔一堂》，安排10位Member大玩配對，由王賢誌擔任策劃，據知節目已在本月開拍，或安排下月喺J2台推出，挑戰近年炮製綜藝節目來得有聲有色嘅ViuTv。
《仔仔一堂》最近已開設官方IG，追隨了10位參賽者，話事人王賢誌就自言：「本人電視生涯最重要的一章」，形容係香港電視史上最破格之嘗試。事實上，《仔仔一堂》係本地首個男男配對真人騷，有別TVB一直嘅保守作風，製作單位早前已在同志圈招兵買馬，物色一眾單身嘅高質素「仔仔」，最後入圍嘅10人來自各行各業，年齡介乎20幾到30幾歲，計有followers逾10萬嘅「網紅」藍源瑋（Juzco）、英國留學返港嘅「嫩版王浩信」Louis、靚仔廚神Kenny（楊平）、台灣游泳教練Kevin Tsai 、曾參加2019世界男仕競選嘅梁玉麟（Carson）、有泰國血統嘅Nelbon等等，一於靠大隻男及話題性硬撼隔籬台嘅《造星IV》。
10條gay佬鬥成班女
