[漫畫］推しの子（我推的孩子）討論區 4

死死聲唔好聽

希望係

估到私生子都算
轉生仲有上世記憶唔合常理
難d 估到wor

但係出街揀行李個話好曖昧
好似講到Aqua準備同赤音講分手再溝佢

我覺得一來係因為有馬係偶像觸不可及
二來係報答赤音

睇完今話覺得赤音下場應該同花京院差唔多

除非水哥嘅保護佢係自己疏遠佢

Aqua 點會覺得加奈遙不可及
直頭係佢心入面佔一份位置，只不過唔係戀人
疏遠佢都係想保護好佢

措辭差就係想講有馬係偶像應該保持距離免得落到愛一樣下場
但我好奇想知你點解會覺得Aqua對有馬唔係戀人而係妹咁睇

我反而唔明點解啲人會覺得aqua會當有馬係戀人
心理年齡差緊三十年
平時相處好似照顧緊個任性既妹咁根本妹難心動
反而男主對住赤音真係心動過紅都面埋
雖然係當左佢係愛而男主都清楚
但唔排除佢想將錯就錯去滿足自己嘅感情

我自己咁睇
1）真人戀愛show篇佢搵有馬傾計打棒球，除咗話有馬係佢少數可以放低心房傾無聊嘢嘅對象（至少今話講嘅嘢唔會係假），都有提過自己同Aqua嘅界線越來越模糊而且會將身邊嘅人當成戀愛對象；（所以心理年齡差距亦會越來越模糊）

傾完之後佢內心想法係多得有馬先搞清楚自己對赤音嘅感情唔係個回事 => 嗰陣睇我係覺得佢係對有馬冇感覺 > 認知到佢對有馬同對赤音都係差唔多 > 所以唔係個回事；依家睇返，雖然我依然唔覺得個陣係有感覺，但係至少佢係可能嘅戀愛對象而唔係妹妹

2）至於經典場面「我要成為你推的孩子」，以至之後Aqua斷續滲透出有馬嘅耀眼，Aqua似乎被有馬吸引住

3）舞台劇篇演技爆發個陣，醫生黑影問佢係咪覺得遇到有馬就見到光，遇到赤音就覺得有人了解自己；同埋慶功會後有馬打電話/赤音send msg，都係表示緊有馬同赤音對於Aqua來講都係都係戀愛對象

4）揀喼個話，Aqua暗示佢plan個約會就係為咗有馬開心，而佢同赤音出街交功課咁多次似乎就冇做過啲咁嘅嘢

至於赤音，我唔認為Aqua對佢係一啲感情都冇，如果真係單純當作工具人嘅話佢考慮同唔同赤音分手嘅時候就唔會有一絲猶疑

我理解為Aqua唔想將赤音束縛係自己身邊係因為佢地只係業務情侶，而佢係天橋上面都講過感受唔到赤音對佢嘅愛意；既然赤音冇感覺，就唔可以用戀愛關係留住依個比任何人都了解自己嘅人

然後就係去到今話赤音終於講得出自己嘅感情係點，而Aqua感受到，會動搖轉軚我都覺得合理；只係當中我都認為係夾雜住有馬唔再係可能嘅戀愛對象嘅緣故（因為佢係偶像，同佢發展有機會害咗佢）以及對赤音嘅報答

另外就係醫生本身就係好重感情嘅人，莎蓮娜臨死前同佢講最鍾意醫生、將愛一生推鎖匙扣比佢，依啲都係構成佢日後推愛嘅元素；一個即使比你當工具人都依然不離不棄，一直同你分擔罪惡感嘅人係你面前喊，覺得自己存在反而令你因為會諗住復仇所以唔開心而決定自己離開嘅人，實在好難真係狠心唔要佢

第一點話可以放低心房但傾無聊野就算，內心重要嘅野完全重要既野完全唔願意向佢透露，好似自己細個演戲片肯比赤音睇唔肯比有馬睇。向男主請求個陣，拍今甜係男主為搵dna先答應，但赤音想打贏有馬男主又係為乜而咁努力練感情戲？甚至留起演藝界既目的對導演透露既程度比有馬高，可見有馬對主角黎睇地位同比唔上導演。
但對住赤音，主角主動透露自己留低演藝界係要殺人，以為報左仇之後主動向赤音透露過去報仇既過程，可見佢希望赤音可以分擔佢一直獨自承受既心事，到今集甚自話內心一直希望赤音可以發現前世條屍，可見佢連前世既事明知唔應該透露但仍暗自希望佢知可見佢對赤音開放心房既程度比任何人都高好多。

第二點個一幕唔做太大評論住，等日後作者講多啲，但我相信男主四十幾歲人未至於一見鍾情識得分開崇拜同愛情

第三點我睇係兩條女對佢都有感情，和應返佢阿哥屌佢感情生活混亂。

第四點就係對住有馬佢要提前做好準備先至可以同佢開心咁相處，但對住赤音用返正常自己已經可以相處落，不過咁我覺得會好快比女飛

嗯……但係如果 Aqua乜都唔同赤音講，佢就冇辦法推動赤音去做任何嘢 所以你話佢希望赤音分擔佢嘅事對我來講都算係利用嘅一種

不過我都承認去導演屋企個一話，自己一個人收收埋埋咁多年第一次有人理解佢絕對會撼動到內心，所以即使之後佢包裝到演出就係佢嘅復仇，佢為咗爬上高位先磨練演技等等，佢應承幫赤音個刻我認為原因都係赤音身上（出於報答/好感）

最後個點，男朋友咁講應該會踩到女朋友條尾 我諗想有馬開心都係發自內心，都算係做自己啦，你想討好一個人先會咁做

講起導演屋企個話，赤音話男朋友嘅責任就係令女朋友唔駛死，對比返今站Aqua話從今以後想守護你……

天才名偵探

我赤音bb唔會死

k胎

話唔定愛轉生做水哥同赤音個女先

玩到遺孤咁大

話唔定男主報仇殺左佢老豆之後同愛兩個一齊轉生做赤音同男主既雙胞胎

自已做自已個仔

屌追到live 大家都無啦啦話赤音會死