剛剛分手的你，入黎傾下，大家互相扶持好嗎？(199）

一齊咗一個月多少少，琴晚凌晨喊住打過嚟話分手，佢覺得當初太快同我一齊，一直以嚟佢都覺得我同佢嘅戀愛價值觀係唔同，一直覺得我對佢太好太多辛苦嘢唔應該做嘅我都為佢做曬，而佢又忙到無時間回報我，覺得好內疚好大壓力，又好似已經對我無feel唔想拖住我，一直以嚟嘅關心只係盡伴侶嘅責任。但係我同佢講我做咁多嘢，一直對佢好唔係求回報只係心痛佢忙到不似人形，想盡力對佢好，唔想佢對住我都要俾佢忙緊嘅嘢煩。佢唔明白，仲話講咩都無用，當佢對我已經無feel，我對佢嘅自以為是好失望。一直大家都諗住等佢得閒之後會唔會可以變返好似一開始嗰一個星期咁甜蜜舒服。但自己連續兩晚飲醉酒手賤打咗兩段千字文俾佢，搞到佢更大壓力更辛苦，避咗我幾日，喺campus撞到幾次佢都扮見我唔到。到尋晚，我聽到話要分手嗰下好平靜可能已經喊到唔想再喊，記得佢話想分咗手都可以做返朋友，因為佢話同我做朋友好開心好舒服可以好frd，所以當佢同我講完分手之後仲同佢講可以做返朋友。今朝一起身成個人無曬動力，啱啱上完堂返hall喊到收唔到聲，不停loop記憶棉。