一個大學生/i大生入職ACO既非典型故事
1. 讀既科唔係專科,即係冇牌考果D。
2. 私人市場做左幾年野(例如做銀行, 要跑數),人工都叫ok,有時跑到數會有兩皮幾三皮, 但見到經濟一差就有裁員危機, 所以打算入政府,保證做到退休,中年唔怕被炒,買個保障。
3. 上政府網, 見到有乜啱自己既工種都報, 上至ao, eo, 督察, 中至2a3o , 入境, 海關, 消防, 救護, 食環, 下至aco, ca, 郵差,工人
4. 順利通過skill test,interview表現一般,有offer,從38300考生中成為最後1600有offer其中一個。忍痛減一大截人工入職
5. 身邊既朋友/同事同你講呢份係垃圾工,一文不值,因為starting低,頂薪唔吸引。但佢地晚晚ot 到八九十點,自己就5點半印印腳走人, 約親食飯你第一個到開枱等人
6. 做ACO 有hea 位亦有忙位,咁work life balance。但忙極都比自己以前做份工舒服, 做政府最緊要抱住做又36,唔做又36, 你入左去, 冇人趕到你走
7. 身邊每一個人都係你既上司,一人之上,萬人之下。
8. 正正因為你係大學生,語文唔差,同事都只係HD/F5。上司覺得你有能力做到更多duty,所謂知人善任。結果成為最多野做,但人工一樣既ACO。
但做野多, 上司見你夠勤力, 做野掂, 比靚report 你, 一年又一年, 夠八年入zone
感情方面, 一入學堂就識左條女, 感情穩定, 一年後結婚, 第二年後生仔, 做夠兩年入紙排公屋, 5年後後拎左市區公屋
9. 今年升co , 有十幾人只需8-9 年資, 你兩公婆有幸成為其二, 兩人加埋六萬人工, 住公屋, 請個工人姐姐打理頭家
10. 眨下眼過左2年可以考sco, 兩公婆放手一搏, 又一齊搏到
11. 你一入職前的ex 女朋友同你提出分手,因為你冇上進心,減人工入政府, 睇唔到將來。有一日, 你一家大細在街上撞番ex......
12. 出席gathering,冇咩點出聲。人地呻緊樓價幾貴, 上唔到車, 有d 被裁員, 開飯都成問題,你見佢地咁慘, 都唔敢出聲。唯一做到既係你當聽唔到。昔日同窗,今日卻格格不入。
13. 做左18年, 你已經到左sco頂薪point 27,呢個時候你接近45歲。發現sco 可以考eo2, 兩公婆又試一試。。。
14. 眨下眼又過多6年, 50歲了,兩公婆已經做左eo2一段時間,終於有機會升eo1,唔升你地升邊個? 但係升唔升eo1你已經冇所謂,升到當拎個安慰獎,畢竟身體要緊。所謂男人三十而立。四十而不惑。五十而知天命。你終於明點解。
15. 個仔終於成家立室,你已經接近60歲。仲升埋Seo。朝中廢老,當之無愧。
16. 到60歲, 可以退休, 你計一計數,你總共搵左5000萬到。但你已經冇咩感覺。
打算入職ACO既大學生,你要諗清楚。
Once you go Clerk, you can never go back...
利申: 前半段真人真事改編, 真係有人兩公婆aco 有公屋請工人, 後段FF