PS...其實海岸村劇編劇申夏恩 以前作品有 <Argon> 。關於記者新聞。講述在假新聞氾濫的社會中，一群只透過事實揭露真相的熱血記者們炙熱的生活故事。
https://m.facebook.com/story.php?story_fbid=10159357559369929&id=766614928
【健仁論劇：「洪班長」與「洪斗植」】
《海岸村恰恰恰》嘅編劇我已經讚過兩次，佢點樣前後呼應或甚至跨集數呼應已經做到好高水平，我唔再多講。今次我要再讚多佢一次，因為佢今次又不著痕跡地「show quali」，咁我就要講下啦。
金宣虎喺劇裡面分別有「洪班長」及「洪斗植」兩個名，後者喺佢真名。佢喺海岸村同村民大家親如一家人，村民有乜嘢須要幫忙都會搵佢，所以大家就叫佢「洪班長」。喺咁嘅情況下佢有多一個親切嘅名，喺好合理而且好平常嘅事，大家都唔覺得奇怪，我自己亦一直不以為然。
直至上一集，洪班長講到連佢自己都唔知道真正嘅自己喺邊個時，我就開始覺得奇怪。原來編劇出嘅招，就喺角色名稱個度。
*** 注意：下含少許劇透 ***
上一集有一幕戲描述洪班長整藥材比其中一名劇組人員。洪班長成日幫人，而且呢場戲好短，所以觀眾都無乜為意，過咗就算。但勢估唔到，原來編劇喺呢度不著痕跡地掘咗一個好大嘅坑，嚟到剛播放完畢嘅第十四集就埋坑。呢個埋坑，好堅。
趁觀眾喺第十四集最無防備個陣，編劇就加入一個非常突然嘅轉折：村裡面嘅人一直只稱呼洪斗植為洪班長，而劇組人員又全部喺外地人，所以佢哋唔知道洪班長嘅真名。當村民提起洪班長嘅真名為洪斗植時，上一集收咗洪班長藥材嘅劇組人員就猛然醒覺，原來佢就喺當日害到佢老豆今日咁慘嘅罪魁禍首（註）！而佢爸爸嘅傷，同一直壓喺洪班長內心最大塊嘅大石有直接關連！
睇完第十四集，再睇返「洪班長」及「洪斗植」呢兩個名，就可以睇到編劇嘅苦心。佢一開始設定角色有兩個名，其實暗示住佢嘅兩個人生，甚至代表住佢人格嘅兩大組成部份。「洪班長」喺面對現實社會，追名逐利與及世俗化嘅佢，而「洪斗植」就喺被現實世界狠狠折磨，傷痕累累嘅佢。前者牽涉對現實社會各種原則及限制嘅遷就，後者則牽涉罪疚，贖罪與與及自我道德審判。
如果代入基礎嘅佛洛伊德理論，「洪班長」就喺佢嘅ego，而「洪斗植」就喺佢嘅superego。為對抗superego嘅道德審判形成嘅巨大精神壓力，「洪班長」就必需存在，佢要以村民嘅笑容及和諧氣氛嚟抵銷superego近乎連衛兵式嘅道德審判及批鬥。
當「洪班長」呢個ego主導洪班長人格時，村民一直甚至過問「洪斗植」嘅往事。「洪斗植」一直冇被提起，令洪班長感到自在，大家過得好開心。之後惠珍出現，令佢一嘗戀愛嘅甜蜜，再進一步削弱「洪斗植」嘅道德壓力。洪班長唔想返去首爾生活，因為只要公辰有村民及熱戀中嘅惠珍喺度坐鎮，「洪斗植」就無辦法出到嚟。
好可惜，惠珍本性急躁，佢不斷追問「洪斗植」嘅過去，一直被壓住嘅「洪斗植」遇到貴人啦！當編劇喺第十四集刻意插上劇組人員驚人轉折呢根最後稻草之後，「洪斗植」就放監，「洪班長」亦即時受傷。下一集將會喺整部劇十多集以來氣氛最壓抑嘅一集，因為「洪斗植」將會主導呢一集嘅故事，佢將會對洪班長進行道德大審判！
*** 注意：劇透完結 ***
另外，觀眾亦不妨留意一下，「洪班長」及「洪斗植」兩個角色人格及人生嘅衣著喺呈現高度一致性。前者喺素色或淡色為主，代表輕鬆自在，後者喺沉色及深藍色為主，代表低沉及鬱結。角色嘅衣著，喺高度配合我上面提到嘅深層次劇本解讀。編劇，美指及導演三者鷤呢部劇上面嘅配合，唔喺隨隨便便就算，喺好認真。
愛情劇喺但求餵飽渴望戀愛嘅女觀眾嘅視覺娛樂，所以十之八九唔喺拖拖拉拉，就喺好生硬咁堆砌啲甜蜜場面出嚟，因此我一直唔鍾意睇愛情劇。之不過《海岸村恰恰恰》就唔同，佢能夠喺歷來眾多專門為女士服務嘅愛情電影或劇集世界中突圍，喺全靠一名高水平嘅編劇坐鎮。佢喺劇集一開始個陣就製造懸念（洪班長消失的五年），一直去到尾二個集先剖開呢個懸念，呢個根本就喺懸疑劇或甚至喺犯罪劇嘅手法！喺愛情劇用呢類手法描寫角色，而且仲放喺咁後先拆解懸念，你話呢個編劇喺咪痴痴地線？
註：呢個只喺我暫時嘅猜度，因為劇情暫時未交待當中嘅細節。
= = = = = = = = = = = = = = = = = =
tvN drama Netflix 香港討論區 #海岸村恰恰恰 #갯마을차차차 #姜錫範 #柳濟元 #유제원 #申夏恩 #申敏兒 #신민아 #金宣虎 #김선호 #我的百事通男友洪班長 #StudioDragon #HometownChaChaCha #公辰 #惠珍 #洪班長 #洪斗植 #佛洛伊德 #ego #superego
