基本上大部分方法都試過曬 以下同大家分享下多年對付手汗嘅經驗：方法一：藥性止汗劑
輕度至中度手汗嘅各位可以試吓喺藥房買藥性止汗劑
只需每晚臨瞓前搽喺手掌度 算係最無痛無癢嘅方法
聽人分享 搽完用隻襪笠住隻手焗住 效果會更好
不過呢個方法對於我呢個重度手汗患者完全冇用
啲汗一樣會照出方法二：乾手劑 (dry hands)
呢個方法係比較短暫嘅止手汗方法 適合用於運動/同人握手嘅場合
我自己就用開日本製嘅pd9
喺carousell有得賣 通常都係百幾蚊一枝
搽上去啲手汗少咗大約2-3成
隻手有浸薄薄地嘅粉不過維持效果唔太耐 所以做運動要不斷補搽
方法三：飲中藥+針灸
通常中醫會話：多手汗嘅人體虛 脾胃差
叫人唔好飲咁多涷飲
同埋飲中藥+針灸調理但我試過一排都唔覺得有效 所以放棄咗
呢個方法可能只適用於少手汗嘅人
多手汗就唔好嘥錢啦
冇用的方法四：離子電浸療法（iontophoresis）
呢個算係比較有效嘅止手汗方法 用後手汗少咗3-4成
不過比較麻煩每日都要電30-40分鐘左右 中途要交換電極 否則只有一隻手止到手汗
***記得要喺水度加少少鹽增加導電性！因為香港用嘅東江水唔似外國嘅硬水咁多ions***
價錢方面：平嘅就自製/淘寶 貴嘅就dermadry
副作用：
1. 唔連續使用嘅話手汗會變更加多
2. 用得耐會打亂嚟m週期
雖然問咗西醫話唔太關事 但我自己觀察有幾次都係咁
不過始終有電流經過身體 而且冇科學認證 所以我問過幾個西醫都話唔建議 擔心會唔安全
方法五：交感神經切除術 (Sympathectomy)
手術資料：
雖然係切除交感神經 但呢個手術係屬於心胸肺外科
需要全身麻醉
我係切交感神經T3同T4 (之前追post有啲ching切T2同T3)
喺左右腋下 （第2同第3肋骨之間）各開2個切口
一個係for胸腔鏡切除神經 一個係for引流啲血水出嚟
手術過程中 左右肺會輪住人工氣胸 （lung collapse)
然後用電燒/切咗條交感神經
價錢：手術+照咗3次x光+住院3日 =$74000
（喺私家醫院做）
術後感：
我喺打完麻醉2秒之後已經斷片
回復記憶嘅時候已經係做完手術 個護士大聲同我講咗幾次「做完手術啦」
當下醒返就覺得呼吸時胸口會痛 疼痛程度6/10分
第一日麻醉未過係最辛苦 又暈又嘔
打咗枝止暈止嘔針但作用不大有keep住靜脈注射止痛藥 但呼吸仍然會痛 疼痛程度4/10分
第二第三日情況好好多 不過透氣都係有少少辛苦同急促
因為我做完手術嘅併發症係氣胸
本身醫生建議用細針將氣胸嘅空氣抽走 不過我冇做
因為醫生話啲氣會自己排走/吸收返
物理治療師俾咗個spirometer我練肺功能 練咗一日已經有好轉
就出得院啦而家隻手已經唔再出汗
雖然有少少乾但可接受不過除非你好似我咁 喺靜態時都多手汗到滴水 否則唔建議做手術
我呢啲窮撚大手汗學生有救啦
