幫父母買醫療保險的疑難

父母都將近60 ，佢哋都各自有份舊式嘅醫保保單，但保額唔高，最近幫佢哋睇緊自願醫保VHIS，見高端醫療嗰啲plan保障範圍都非常全面，尤其全額包「訂明非手術癌症治療」嘅費用（touch wood最擔心要比好大舊錢醫cancer，上網見標靶藥，免疫治療，荷爾蒙治療嗰啲條數都好撚貴、好襟計，但屋企環境只算係普通）

現時每個月父母每人大概俾千零蚊保費左右都買到高端plan，目前尚算俾得起，不過我見個保費隨着歲數嘅增加每年上升，雖然要平啲係可以俾多啲自付額，就算係咁長遠落去都依然幾大負擔⋯⋯

即使過幾年份高端醫保斷供，再買份平啲，但年紀大咗想重新核保都唔知仲受唔受佢哋保，又可能多咗已知疾病麵包

退而求其次，一般嘅VHIS靈活計劃嗰啲嘅癌症治療費用保障又好似得嗰十萬八萬一年，睇落又唔係好夠......好苦惱


請問各位大神係幫父母買醫保時你哋係點揀，買咗啲咩plan，同埋仲有咩需要考慮？

自願醫保啦

巴打幫父母買高端plan?

高端

我都係幫自己同屋企人買高端plan，因為人越老醫療費一定越貴，而且自願靈活保幾十萬一定cover唔到重病，同埋touch wood中左危疾果啲連墊底費都會waive埋。

自願醫保靈活計劃都有啲係每單傷病保額內全數保障，而且訂明非手術癌症治療會有額外保額，但價錢同有墊底費嘅高端醫療差唔多。

其實最緊要考慮係個agent嘅service，因為間間高端都差唔多。

利申，F字頭agent，而家買緊F字頭高端plan，減5個月保費，屋企人一齊投保減6個月。

sorry, 唔係好明乜嘢係”中左危疾果啲連墊底費都會waive埋”??

係，我係再加保費upgrade咗

介唔介意透露下你買邊間同埋幾多墊底費？

試吓供落去會唔會好重皮

打錯，「遲吓」唔係試吓

YF 一年一人保一百萬，一年萬中兩個人

你個回覆錯哂
識做既就叫佢留AGENT CONTACT俾你喇

唔係人地點做開單

姐係如果中左個plan指明嘅嚴重疾病，咁claim嘅時候公司就會全數賠償比你，唔會扣左個墊底費先賠。例如你買50000墊底費，如果你claim100萬，佢就會扣5萬，賠95萬，而中左指定嘅危疾就會賠足100萬。

係...幫公母買真係好貴, 佢地年齡係價錢反映返, 但都應該要買, 始終人年齡大易有病痛, 又唔係大富大貴家庭, 一個大病埋黎真係傾家蕩產, 我都係買有墊底費高端Plan ,細病要入醫院就算啦, 仲比得起, 當去少次旅行囉.

F記同C記都唔差, F記長遠個保費係貴D

明晒，唔該巴打

巴打你都講得有道理，你幫爸媽買F記高端？

買 c 記咋， f記係60-70平，70-80貴太多
不過f記易衛您真係幾好，都驚有大事包唔曬，max.得85萬一年

買c記啦， 5萬墊底，係驚大病姐

墊底加醫療
再買多份無儲蓄危疾
二千幾一個
agent contact pm