記住我哋寫嘅係粵文，唔係中文！中文北京話文！！係蝗文！！

機界原種 · 2021-10-04T08:44:27+08:00

【光復粵文】（一）以前讀中學嘅時候，中文阿sir成日同我讀：「喂！！你篇作文有啲位太過口語化！下次轉返中文！」「無計，用慣咗……」「下次改番好！」講真，我唔鍾意叫粵語為口語，咁好似粵語只能停留喺「講」，唔可以書寫出嚟，「我手寫我口」。亦唔鍾意叫粵語做廣東話，比人感覺粵語只係廣東人用。首先，同大家普及一吓粵文嘅基本知識。世界上所有嘅語言都可以分成十一個語系，而粵文屬於漢藏語系。而漢藏語系有四個分支，粵文屬於漢語族。而漢語族有七大語言，分別係官話、湘語（湖南語）、贛語（江西語）、吳語（江浙語）、閩語（福建語）、粵語、客家話。而官話就係我哋平時叫嘅「中文/書面語」，而粵文就係我哋平時叫嘅「口語」。其實所謂「方言」絕對有資格成為獨立語言！將「方言」作為母語使用者嘅人數大過唔少歐洲語言。例如，吳語使用者人數喺世界排名佔據第10位，粵語第15位，法文第18位，閩語第23位，波蘭語27位。[1] 更重要嘅係，「方言」之間嘅差異係大過歐洲諸語之間嘅差異！官話與粵語之間嘅差異，大過俄文、烏克蘭文及捷克文之間嘅差異。粵語與閩語之間嘅差異，大過瑞典文、挪威文及丹麥文之間嘅差異！向大家介紹一個社會學嘅Term，「自發秩序」（Spontaneous order）。「自發秩序」就係集體人類無約束下自發去做嘅行為！例如？聖誕節，你會去食火雞、交換禮物。但係，無法例規定你一定要交換禮物，因為呢個係「風俗習慣」。「風俗習慣」就係一種「自發秩序」，人民約定俗成去做！自由市場、端午節食糭、朝早講「早晨」等等，都係「自發秩序」嘅例子！如果而家政府立法規定人民一定要信仰基督教，而你就去信教，呢個就唔係「自發秩序」。因為係政府強迫你信教，唔係民間「自發」！平時我哋寫嘅CLS、dllm、jm9等等，都係「自發秩序」！我哋無刻意去創造呢啲簡寫，就係因為有人覺得全寫太煩！而去整啲簡寫，然後其他人都有同樣嘅諗法，覺得全寫太煩！最後，大家約定俗成，以後「痴鬼線」寫做CLS！呢個就係「自發秩序」！而粵文就係香港人嘅自發秩序！英國殖民政府統治下嘅香港，官方對粵語不加任何管制，任其自由發展，並無法例規定香港人一定要講粵語，但香港人都會去講粵語，講粵語成為香港人約定俗成嘅共識！喺台灣，台語一直係台灣人嘅「自發秩序」。國共內戰失利嘅國民政府，退守台灣，之後立法禁止台語，呢個行為就係破壞台灣人嘅「自發秩序」！香港中文DSE考試規定要以官話作答，呢個行為就係破壞香港DSE考生嘅「自發秩序」！世界上好多民族嘅語言都係基於「自發秩序」！例如日文。當時漢字傳入日本，日本人就直接借咗漢字嚟做音標，然後日本人覺得漢字太繁複，好煩！再將漢字簡化，成為今日嘅日文！日文係大和民族嘅「自發秩序」，而粵文就係香港民族嘅自發秩序！除咗語言，好多民族文化都係基於「自發秩序」！簡單嚟講，「民族建構」就係基於「自發秩序學」！有人認為，粵文係粗曠低俗！鄉下仔MK仔先用！我哋呢啲高級知識分子點會用？十六世紀個陣，英文都仍然係方言鄉下話！著名英國哲學家Francis Bacon法蘭西斯·培根，寫書就用拉丁文，平時吹水就用英文。當時無人諗到，而家嘅世界名著《哈姆雷特》、《羅密歐與茱麗葉》及《李爾王》，會用英文寫！「民族建構」係為咗未來！而家粵文係粗曠低俗，唔代表一百年後都係！更何況，而家粵文嘅發展基礎，比起當時嘅烏克蘭文及波蘭文都要好！烏克蘭文係一個極好嘅例子！十九世紀嘅烏克蘭文，都係鄉下話！烏克蘭喺沙俄帝國嘅統治下，烏克蘭文被所有學校禁止！只有烏克蘭西部地區未被禁止。如此烏克蘭語成為烏克蘭西部地區「自發秩序」！但當時嘅烏克蘭大作家，如Nikolai Gogol果戈里都不屑用烏克蘭文，認為俄文比較高尚及標準，全部大作品都係用俄文寫！喺呢個時候，與Nikolai Gogol果戈里同時期嘅一位詩人，騰空出世！佢就係烏克蘭民族主義詩人Taras Shevchenko塔拉斯·舒夫真高！佢一生嘅大部分作品都堅持用烏克蘭文寫，作品水平極高，當時震撼咗整個烏克蘭。而家，佢喺烏克蘭被認為係現代烏克蘭語嘅奠基者，亦係一位烏克蘭民族英雄！喺烏克蘭首都基輔就有佢嘅雕像！所以話，一個語言高級與否，好大程度取決於有冇大作品！好可惜，目前大部份嘅香港作家都未嘗試用粵文創作。新文化運動嘅時候，就係因為有好多民國大師走去寫支那文，如胡適、徐志摩、魯迅、陳獨秀等等，最後成功大大提升支那文嘅地位，拋棄文言文！我知道有啲中文系嘅文人可能會介意，認為自己寫得一手好古文，點解要放下身段，寫粵文？但連當時嘅民國大師都可以拋棄文言文，點解你唔可以？一個高水平嘅人，無論寫咩文體，終究都係高水平！魯迅與梁啟超就係一個好例子。光復粵文！ [1]《民族語》第15版我之後仲會寫一篇關於粵文嘅文章，講吓港式粵文及粵文拉丁化！ Follow me if you like : ) 聲明：此文並非嚴謹學術論文，只係通俗粗曠小品文。【舊文重溫：有一個民族永遠都係我哋嘅敵人 - 民族仇恨 - https://lih.kg/1944561 】推薦幾個獨派論政/文宣 Pages 國是學會 : https://www.facebook.com/gwoksihokwui/ 香港獨立學社 : https://www.instagram.com/hk_independence_institute/?hl=zh-hk Gear噏 : https://www.facebook.com/gearuphongkong/ 推廣粵文嘅 Page/Website 港語學 : https://www.facebook.com/hongkonglangstudies/ 粵典 : https://words.hk/