美容黑店分享 (per face)

早兩日中午去佐旺角朗豪坊56樓per face
原本淨係諗住用試做價去試做1次皮秒Pico
點知上到去hard sell到仆街
總共換左5個人同我傾

講佐係學生 無錢無信用卡仲可以繼續講
仲話可以俾我分期付款 又話可以用消費卷

我企硬唔買就黑口黑面
坐佐係個大堂到成個鐘都可以無人理我
前枱成班人你眼望我眼咁
就係冇人帶我入房去做個皮秒療程

(一開始要簽咩同意書 又冇人同我解釋)
專業少少其實係咪可以同客人解釋下呢

(換第個人繼續sell)
佢講到做激光之前做埋Green peel效果會顯著好多
咁算啦 我目的都係希望皮膚得到改善
諗住加$680試埋Green peel
以為佢服務態度會好啲
點知都係hea做 (其後聽到好似係因為夠鐘放飯

真係好失望
講到Green peel有幾好
其實都係求奇吸幾吸 咁就已經$680
又話會用精華幫我導入 講到有幾神奇
結果都係求奇整幾滴精華幫你搽下
又吸到我塊面紅晒

另外因為皮秒係試做價
我都已經無咩期望 做完我自己就覺得普通
(佢開價$6000做1次)
其後又話比個優惠價我 $23xx做1次
平心而論 呢個皮秒做得ok (不過唔值得我再做)

做完全部療程之後 繼續sell我
又話覺得我做完真係白淨咗 點好點好
客套說話啫 你估我仲會上當
真心我唔覺得有咩分別 (可能因為本身皮膚毛孔都細
(佢話我有小小紅腫係正常) 因為我敏感皮膚

總之唔分享呢件事岀嚟 我就對唔住我自己
反正我唔會再去。

講完了。

歡迎分享其他美容黑店 。

租得朗豪坊呢啲大場
搵得嘅都係為打工追數
真係"做生意"
會sell好正常

Sell唔係問題
但咁既價錢 咁既服務質素。。
我覺得唔合理啫

試過1次就算 單純分享下
以前去開細場 一樣都有sell
但就算你唔買佢package
人地都仲好好心機同你做 幫你按摩

平時平價既細場都有1至1.5小時做1次
但佢收咁貴 都仲要係求其幫你做
我2個療程加埋 做佐都唔知有冇30分鐘
(中間仲要有停頓) 又話部機俾人用緊 等等

做完激光 咁正常都會敷個面膜舒緩下
點知佢趕住放飯
面膜放咗係塊面到 都唔知有冇5分鐘又入返嚟拎走
(敷面膜起碼都10至15分鐘掛)
我仲要係敏感肌 容易泛紅 都想敷多陣等佢舒緩

講到用料好好 高級精華 一分錢 一分貨
但敷得個面膜2分鐘
皮膚真係夠時間吸收精華咩？？

講真 岀面大把公司有得做Green peel
價錢都係講緊$98-$3xx

但我俾$680岀嚟 仲要係求其幫我做。
我真係唔會再幫襯per face囉

唔買package就黑面 求其做
做完療程要簽返個名 拎埋張單先走得
我等佐前枱1個鐘 (放飯個治療師都返佐嚟)

呢間收購咗做開脫毛嘅公司…
但買咗脫毛treatment冇理由唔做埋
第一次去呢間
未做脫毛等咗一段時間就要聽佢sell facial
試做完心動買咗package
希望完咗package之前可以脫到冇乜毛
如果唔係唔知之後點捱

啊同你經歷一模一樣
以前嘅20beauty唔sell又快手利落
屌佢老母 條女坐低sell完就叫我拎卡出嚟
（我又on99買咗）

屌，中伏

支持用受害人錢財去補貼小額客戶